POP 5

Lajmet më të lexuara të 5 minutave të fundit

Kronikë

Plani i rindërtimit në Krujë prek lagjen Subashi/ Banorët në protestë: Absurditet, jemi këtu prej 500 vjetësh! Do e çojmë deri në Strasburg (VIDEO)

Banorët e lagjes së vjetër të Krujës, Subashi kanë dalë ditën e sotme në protestë pasi janë kundër projektit të rindërtimit, ku preken edhe shtëpitë e tyre. "Absurditet", "marrëzi" e quajnë banorët këtë plan, pasi kjo lagje sipas tyre është mb 500 vjeçare.

KRUJË- Banorët e lagjes së vjetër të Krujës, Subashi kanë dalë ditën e sotme në protestë pasi janë kundër projektit të rindërtimit, ku preken edhe shtëpitë e tyre. "Absurditet", "marrëzi" e quajnë banorët këtë plan, pasi kjo lagje sipas tyre është mb 500 vjeçare. Me shembjen e këtyre banesave, do të shembet edhe historia, thonë banorët, dhe kërkojnë  nga qeveria që të tërhiqen pas nga ky projekt në të kundërtën do e çojnë çështjen deri në gjykatën e Strasburgut. Mbi të gjitha, sipas tyre më absurde është se për këtë nuk kanë marrë asnjë njoftim zyrtar, por e kanë mësuar ditën që kryeministri Edi Rama ka prezantuar planin e rindërtimit të Krujës. Akuza shkojnë edhe për ministren e Kulturës, Elva Margarit, të cilën e cilësojnë si "të paaftë", pasi në këtë lagje ka monumente kulture, por sipas tyre ajo as nuk ia ka idenë.

"Jemi mbledhur se ka marrë një vendim qeveria që do prishen shtëpitë tona bashkë me pallatet, ne nuk do lejojmë që shtëpitë të prishen se jemi banorë rreth 500 vje. nuk kemi marrë asnjë njoftim nga bashkia, e kemi parë nga Bashkia. Do na presë kryetari ditën e hënë. Janë mbi 30 familje, rreth 20 banesa, shtëpi private."

"Është turp që të prishësh historinë, të prishësh Krujën. kruja nuk ka kala, ka lagje historie, kjo është lagja Subashi, fisi është deri në Rinas, Rinasin na e morën, na kanë humbur 1000 dosje,. Duan të bëjnë një kompensim qesharak, e rëndësishme është Kruja, rrënjët tona, do bëjmë të pamundurën, na fusni poshtë me rrënjët tona. Nuk jemi njoftuar, por pasi pamë njoftimin e Ramës me lajka dhe Lulka, dhe ministres e Kulturës që ta shkarkojnë nga puna, se brenda kësaj zone ka dy monumente kulture, sot i ka futur për shembje, ose se ka ditur ose është e paaftë. Familjarët kanë shkuar dje në Bashki, kryetarin nuk e kemi gjetur. Kemi folur me përfaqësues të Bashkisë, kanë qenë 4 orë debate të nxehta, mund të them që vetëm rrahje s'kanë bërë, se kur të preket prona të prishet shpirti, e ka pranuar që lagjja Subash do prishet. Kemi marrë hartën që tregon se cilat shtëpi do shemben, dhe aty janë shtëpitë tona"

"Jemi informuar në rrugë jo formale, që ishte marrë një çmenduri për arsye të projektit të rindërtim nga tërmeti, plani tregon që pellgu jonë duhet të fshihet nga faqja e dheut të të strehohen banorët e prekur nga tërmeti, po jo në kurriz tonë, janë prona historike, jemi banorë të ndershëm. Ky do të na bëjë kriminelë, i bëj thirrje Ramës, Bashkisë, Ministrisë që hiqni dorë nga kjo marrëzi se është absurditet", shprehen disa nga banorët.

Banorët nuk kanë respektuar masa mbrojtëse për shkak të COVID-19, për këtë është dashur ndërhyrja e policisë, të cilët i kanë bërë thirrje për distancim social. 

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Altin: 09/05/2020 12:10

    Nje banese eshte aty qe ka vetem nje tavan si monument kulture, dhe ajo eshte rregulluar nga vete pronarja pa leje kohet e fundit, banesat e tjera jane cope cope. Keta banore vete interesohen per te ndertuar pallat aty, per ti prish shpijat e per te ndertuar pallat si pronare toke. Tashi qe i nderton qeveria protestojne duke perdorur si justifikim faktin se keta qenkan historia e krujes, kur keta jane turq te ardhur. Subashet nihen ne kruje vetem se kane vajzat ne nam dhe gjithmone kane qene bashkepuntore te cdo pushteti. Asgje nuk duhet ta ndale rindertimin pas termetit!

    Përgjigju
    • Anisa: 09/05/2020 23:45

      Unë nuk e di se kush je, por të të vijë turp ty se shtëpitë i morën të gjithë televizionet dhe ishin krejt në rregull, ndërsa sa për shtëpinë time dhe tavanet ajo është 150 vjeçare dhe mos thuaj gënjeshtra gjithë ditën. Ndërsa sa për maskarallëqet që thua për vajzat,nuk kanë pasur dhe as kanë nevojë për pushtetin pasi janë të gjitha të shkolluara ekselente me forcat e tyre dhe të familjeve dhe asnjë nga ne nuk ka asnjë post në pushtet. Turp të kesh kushdo qofsh

  • Opinion: 08/05/2020 16:29

    ..subash..et jane taksambledhesit Turq te ardhe aty ne kohe te pushtimit ottoman..pasi vrane e perzune autoktonet Krojan te cilet kane emigru ne Itali..!..shteti duhet te hartoje plane rregulluese,ne gjithe Shqipnine...

    Përgjigju
  • ylli: 08/05/2020 15:43

    CFARE strassburgu po merrni armet dhe mbroni pronat e juaja,,,,askush nuk mund te behet zot ne pronat e juaja...

    Përgjigju
  • alo alo: 08/05/2020 15:31

    Cfare tokash kerkojne turqit ne Kruje ? A e dine qe kemi 108 vite, qe jemi shtet i pavarur ? Sa per dijeni, ^subashi^ ishte titull osman qe i jepej atyre qe mblidhnin 15.000 astra ne vit nga vendet e pushtuara dhe ja dorezonin sulltanit. Ne shqip perkthehet udheheqes ose komandant i nje qyteti ose nje kalaje. Keshtu pra, keta qe shfrytezuan si skllever shqiptaret per 500 vite, sot kerkojne toka deri ne Rinas.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça