BE ka miratuar 64.5 milionë euro parafinancim për Shqipërinë. Kjo pagesë e parë, e cila mbështet reformat dhe infrastrukturën e vendit, vjen në kuadër të Planit të Rritjes së Unionit për Ballkanin Perëndimor, dhe synon të përshpejtojë konvergjencën socio-ekonomike të rajonit me BE-në dhe të hapë rrugën drejt anëtarësimit.
Me këtë parafinancim, Shqipëria mori 30 milionë euro kredi koncesionare për buxhetin e shtetit si mbështetje për zbatimin e reformave në kuadër të Agjendës së Reformave të vendit. Pjesa tjetër 34.5 milionë euro në grante dhe hua koncesionare do t'i injektohet drejtpërdrejt ËBIF-it (Kornizës së Investimeve të Ballkanit Perëndimor) për investime në infrastrukturë në Shqipëri.
Ambasadori i BE-së në Tiranë, Silvio Gonzato e cilësoi këtë si një tjetët moment të rëndësishëm të vendit në rrugëtimin drejt BE-së.
“Bashkimi Evropian qëndron në krah të Shqipërisë në rrugën e saj drejt anëtarësimit në BE. Plani i Rritjes e ndihmon Shqipërinë për të arritur këtë qëllim dhe për ta afruar ekonominë shqiptare me atë të Bashkimit Evropian përpara se Shqipëria të bëhet anëtare. Ne po e mbështesim Shqipërinë që të konsolidojë shtetin e saj të së drejtës, të zhvillojë infrastrukturën, ekonominë e saj të gjelbër, kapitalin njerëzor dhe biznesin e saj privat. Evropa është këtu për të mbështetur rritjen e qëndrueshme dhe kohezionin social ndërsa Shqipëria përgatitet për të hyrë në tregun unik të BE-së", tha ambasadori.
Ndërsa kryenegociatorja Majlinda Dhuka tha se parafinancimin e sheh si një shenjë të qartë besimi nga Unioni, ndërsa shtoi se janë të përgatitur për të vijuar më tej me përmbushjen e kritereve për anëtarësim.
"Ne e vlerësojmë këtë si një shenjë të qartë besimi nga BE-ja në rrugën e reformave të Shqipërisë dhe progresin e qëndrueshëm drejt anëtarësimit në familjen evropiane. Ne e kuptojmë plotësisht madhësinë e kësaj mundësie historike, si dhe angazhimet e ardhshme, dhe jemi energjikisht të motivuar dhe të përgatitur për të vazhduar reformimin dhe përmbushjen e zellshme të kritereve për anëtarësimin e Shqipërisë në Bashkimin Evropian", tha kryenegociatorja Majlinda Dhuka.
Deri në vitin 2027, Shqipëria ka mundësi të marrë deri në 922.1 milionë euro gjithsej nga Mekanizmi i Reformës dhe Rritjes për Ballkanin Perëndimor në këmbim të reformave në shtetin e së drejtës dhe të drejtat themelore, energjinë e rinovueshme, ekonominë digjitale, kapitalin njerëzor dhe zhvillimin e sektorit privat.
Pagesat e ardhshme në kuadër të Mekanizmit do të bëhen me përfundimin e hapave të reformës të rënë dakord ndërmjet Komisionit dhe Qeverisë Shqiptare në Agjendën e Reformave. Ndërsa Shqipëria përparon me zbatimin e Agjendës së Reformave, BE-ja do të zhbllokojë pagesat.
Çfarë është Plani i BE-së për rritjen ekonomike të Ballkanit Perëndimor?
Plani i ri i Rritjes për Ballkanin Perëndimor, i miratuar në Maj 2024, ofron 6 miliardë euro ndihmë financiare shtesë për të sjellë ekonomitë e rajonit më afër BE. Ai përmban prioritetet të organizuara sipas katër shtyllave.
Shtylla 1 përmban rritjen e integrimit ekonomik me Tregun e Vetëm të BE. Shtylla 2 përmban integrimin në Tregun e Përbashkët Rajonal. Shtylla 3 përmban përshpejtimin e reformave themelore ndërsa shtylla 4 përfshin instrumentin financiar Lehtësuesi për Reformën dhe Rritjen.
Komente
Lajme të tjera
-
Vetëdija për mrekullinë Europë është gjallë mes europianëve
26 Mars, 16:32
-
Deliu për Report Tv: Plani i ri i rritjes për Ballkanin Perëndimor, instrumenti i ri për vendet kandidate për në BE! Shqipëria do të përfitojë 922 milionë euro
26 Mars, 15:38 -
Pesë fushat ku Turqia luan rol kyç në çështjet botërore
26 Mars, 12:32 -
Hoxha takim me ministrin danez për Migracionin dhe Integrimin: Mbështesim fortë Shqipërinë, në rrugën drejt BE
26 Mars, 11:34 -
Presidenti serb takim me të dërguarin e BE për dialogun: Asociacioni, kusht për normalizimin e marrëdhënieve me Kosovën
25 Mars, 12:56 -
Sondazhi i Eurobarometrit: 74% e europianëve besojnë se vendi i tyre ka përfituar nga anëtarësimi në BE, shifër rekord që nga 1983
25 Mars, 09:30 -
Bashkëpunimi i BE-së me Turqinë, Greqia: Pa respektimin e vlerave nuk mund të ndodhë
24 Mars, 22:07 -
Shqipëria në BE? Shehi: Rama po përdor mirazh të vjetër, premtim elektoral! Xhafaj: Vetëm PS e integron vendin! Kapri: 30 vite e njëjta histori Xhaferri: S'realizohet!
24 Mars, 21:36 -
Shqipëria drejt Evropës me tren të shpejtë? 'Starline' propozon rrjet hekurudhor që do të transformojë udhëtimet në kontinent, Tirana në linjën 'Lisbonë-Kiev'
24 Mars, 20:35 -
Ylli Pata: Pse argumenti BE është kthyer në ankthin e fushatës së Berishës
24 Mars, 20:30
-
Nesër BE miraton 922 milionë euro për Shqipërinë nga Plani i Rritjes, Komisionerja Marta Kos: Urime, ndër të parat në Ballkanin Perëndimor që përfitoi
24 Mars, 18:21 -
Tarifat doganore të Trump ndaj Evropës, Komisioneri i Tregtisë së BE-së nesër në Uashington
24 Mars, 17:03
