POP 5

Lajmet më të lexuara të 5 minutave të fundit

Bota

Platforma 'X' ka humbur 71% të vlerës që kur u ble nga Elon Musk

Viti i ri 2024 nis me lajme të këqija për miliarderin Elon Musk. Platforma e medias sociale, X ka humbur vlerë të konsiderueshme që kur miliarderi Musk e bleu atë, në tetor 2022, me emrin Twitter. Sipas medieve të huaja ajo ka humbur 71% të vlerës

Platforma 'X' ka humbur 71% të vlerës që kur u ble nga Elon Musk

Elon Musk

Viti i ri 2024 nis me lajme të këqija për miliarderin Elon Musk. Platforma e mediave sociale X ka humbur 71% të vlerës së saj që kur u ble nga Elon Musk në tetor 2022, me emrin Twitter.

Vështirësitë për platformën nisën që kur e mori drejtimin Musk për shkak të një rënieje të konsiderueshme të të ardhurave nga reklamat. Edhe largimet e papritura nga puna të mijëra punonjësve, ndryshimi i emrit dhe qëndrimi arrogant ndaj reklamuesve nuk kanë bërë gjë tjetër veçse kanë vënë në rrezik besueshmërinë dhe mbijetesën e kompanisë.

Edhe vetë Musk në korrik deklaroi se kompania ishte në një situatë të vështirë financiare , "për shkak të rënies me rreth 50% të të ardhurave nga reklamat dhe borxhit". Me kalimin e muajve, situata vetëm sa është vështirësuar edhe më shumë. 

Musk pagoi rreth 44 miliardë dollarë për Twitter në tetor 2022. Që atëherë, Musk e riemërtoi atë X dhe tha se dëshiron të ndërtojë platformën si një aplikacion me më shumë funksione, duke përfshirë shërbimet financiare. Por si duket kjo rezultoi një dështim.

Shumë kompani po shmangin X si një platformë reklamimi sepse kanë frikë nga një mjedis negativ për markat e tyre. Musk po përpiqet të mbushë boshllëkun me të ardhurat nga abonimet. Përveç kësaj, ai mori hua prej rreth 13 miliardë dollarësh për blerjen, të cilat tani po rëndojnë mbi X dhe që po grumbullojnë interes prej rreth 1,2 miliardë dollarë në vit

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57