Largimin e Alex Ferguson nga bota e futbollit në moshën 71 vjeçare pas 27 vitesh në drejtimin e ekipit të Manchester United e kanë komentuar shumë personalitete në botën e futbollit, por edhe jashtë saj.

Kështu i pari që ka reaguar nga UEFA ka qenë presidenti Platini, i cili ka deklaruar se kjo është një humbje e madhe për futbollin dhe se Ferguson do të mbahet mend gjatë për atë që ka dhënë në trajningun e futbollit botëror.

Ndërsa ylli portugez, Ronaldo e ka komentuar largimin e Ferguson me pak fjalë, por shumë domethënëse: 'Faleminderit për gjithcka!.

Ndërsa kryeministri David Cameron e cilësoi trajnerin Ferguson si një njeri të jashtëzakonshëm dhe se pavarësisht se është dorëhequr nga United do të kujtohet për atë që ka dhënë.

Ferguson nuk mundi dot të përmbante as lotët, teksa i komunikoi futbollistëve dhe stafit se kishte vendosur të tërhiqej në fund të sezonit.



d.b/shqiptarja.com