'Play-off' i 'Europa League'/ Wolverhapmton fiton në Torino, mposhtet Frankfurt

Të enjten janë zhvilluar ndeshjet e para të fazës ‘play-off’ të Europa League ku nuk kanë munguar surprizat, por edhe rezultatet e pastra. Mbi të tjera, më shumë përshtypje bëri humbja me rezultatin minimal 1-0 e Eintraktit të Frankfurtit në transfertën e Strasburgut. Goli i Zohi në pjesën e parë ishe ai që vendosi sfidën në favor të francezëve që do të përpiqen të administrojnë gjithçka në duelin e kthimit.

Torino ndërkohë është mposhtur në shtëpi me shifrat 2-3 nga anglezët e Ëolverampton, të cilët kanë hedhur një hap jo të vogël për fazën e grupeve. Gjithsesi goli i realizuar në minutat e fundit nga Belotti mban gjallë shpresat e italianëve, të cilët në 90 minutat e para bënë një paraqitje nën pritshmëri para publikut të tyre.

Në këtë raund pati edhe rezultate të cilat thuajse hipotekojnë kalimin e një skuadre apo të një tjetre. Kështu Feynord mposhti pastër 3-0 Hapoel Beer Shevën, skuadrën të cilën e nisi rrugëtimin përballë Laçit. PSV mposhti gjithashtu me shifrat 3-0 Apollon Limasol, ndërsa nga 3 herë realizuan në portat e kundërshtarëve edhe Astana me Malmo-n.

Ndërkohë edhe pse pritej që disa prej futbollistëve të kombëtares shqiptare të linin gjurmë në këto sfida e kundërta ndodhi. Përveç Herdi Prengës që ishte në stol teksa ekipi i tij Riga u mposht 3-1 nga Kopenhagen, futbollistët e tjerë si Kaçe, Mihaj apo Grezda nuk ishin as pjesë e të grumbulluarëve, por i ndoqën sfidar rezpektive nga televizori.

 

Ne.k./Shqiptarja.com
  • Sondazhi i ditës:

    A e besoni premtimin e kryeministrit se dëmet në banesa nga tërmeti do të rikuperohen deri në qershor 2021?

Komento