Në qytetin e Durrësit ka pllakosur heshtja e mortit. Të vetmit zëra që dëgjohen janë të qarat e të afërmve dhe kuja e vajtimoreve që përcolli trupa e 8 familjarëve Lala të cilët humbën jetën në tërmetin vdekjeprurës të 26 nëntorit.
Pas homazheve në Pallatin e Kulturës në Durrës ku të pranishëm ishin edhe kryeministri i vendit Edi Rama dhe Presidenti Ilir Meta, 8 anëtarët e familjes Lala u përcollën në varreza, nga qindra familjarë, të afërm, por edhe qytetarë të ndryshëm që janë prekur nga kjo tragjedi.
Familjes Lala, tërmeti i mori Sahadeten 79 vjeç, Ilirin 52 vjeç, Marjetën 31 vjeç, me 4 fëmijët Amelian 8 vjeç, Emiljon 7 vjeç dhe binjakët Dionisa e Enis 2 vjeç, dhe Griseldën 19 vjeç.
I vetmi që u nxor i gjallë nga grupet e shpëtimit, nga banesa 4 katëshe në zonën e ish-Kënetës në Durrës, e shkatërruar nga tërmeti në këtë familje është 17-vjeçari Ramë Lala, i cili për shkak të gjendjes së rëndë shëndetësore, është dërguar ditën e enjte në Itali për të marrë një ndihmë mjekësore më të specializuar.
Ndërkohë në momentin e ngjarjes për fat të mirë në banesë nuk ndodheshin edhe tre anëtarë të tjerë të familjes Lala. Dy djemtë e Sahdetes, njëri prej të cilëve humbi gruan me 4 fëmijë, ndërsa tjetri vajzën Griseldën, pasi ndodheshin në Itali. Në shtëpi nuk ndodhej as nëna e Ramës, pasi ishte në Tiranë tek e motra.
Sahadete Lala 79 vjeç - (Gjyshja)
Djali i saj Ilir Lala, (i paralizuar) 52 vjeç i fundit qe u nxorr nga vila 4 kateshe në Kënete
Nëna Marjeta Lala, 31 vjeç me 4 fëmijët: Emilio Lala
Enis Lala 2 vjeç e Dionisa Lala 2 vjeç - binjakë
Amelia Lala 8 vjeç - Vila në Kënetë
Griselda Lala- 19-vjeç (Motra e Ramë Lalës që shpëtoi)
Presidenti Meta ka marrë pjesë në homazhet për 8 anëtarët e familjes Lala që humbën jetën si pasojë e tërmetit. Meta ka dhënë edhe një mesazh lamtumire për të afërmit e kësaj familje duke thënë se ishte një tragjedi e tmerrshme.
"E pamundur te gjesh fjale per te ngushelluar Familjen Lala pas kesaj tragjedie te tmerrshme. Zoti u dhente force per ta perballuar kete dhimbje te pangushellueshme. Detyimi yne per ti qendruar prane atyre gjithmone" tha Meta.
Në ceremoninë mortore për varrosjen e familjes Lala me 8 anëtarë në Durrës, i pranishëm ka qenë edhe kryeministri Rama. Ky i fundit është parë duke u lutur me duart e kryqëzuara për viktimat.
8 anëtarë të familjes Lala u shuan nën rrënojat e vilës së tyre katër katëshe në zonën e ish-kënetës në Durrës. Familja me origjinë nga Peshkopia do të përcillet në banesën e fundit në qytetin e Durrësit të premten në orën 11:00. Lalajt ishin një nga familjet që pësuan goditjen më të fortë të tërmetit me jetë të humbura. Sahadete Lala 79 vjeç ndërroi jetë me djalin e saj të paralizuar Ilir Lala 52 vjeç, me nusen e djalit tjetër Marjeta Lala, 4 fëmijët e saj, dhe mbesën nga djali tjetër.Vila ku jetonin bashkë familjet e tre vëllezërve u kthye në mort, pasi u shemb nga tërmeti i 26 nëntorit. Bashkëshorti i Marjeta Lalës që humbi të katërt fëmijët ishte në Itali, ashtu edhe vëllai tjetër i cili në këtë tragjedi humbi vajzën, Griselda Lalën, 22-vjeç. I vetmi që doli gjallë nga rrënojat ishte Ramë Lala 17 vjeç. Nëna e tij nuk ndodhej në banesë pasi natën e tërmetit ishte tek motra e saj në Tiranë. Video e shpëtimit të Ramë Lalës përcolli mjaft emocion teksa ai u duatrokit nga ekipet e shpëtimit, teksa nëna mallëngjehej nga mrekullia që djali i saj doli i gjallë. Jetën e Ramë Lalës, e ka shpëtuar një lavatriçe. Struktura metalike e kësaj orendie shtëpiake ka krijuar mjaftë hapësirë sa për t'i mbrojtur trupin dhe kokën 17-vjeçarit, pas shembjes së banesës.
Nga familja e 17-vjeçarit nën rrënoja janë gjetur të pajetë Marjeta Lala së bashku me tre fëmijët, Emilio Lalën, 6 vjeç dhe dy binjakët Enis dhe Dionisa Lala, më pak se 3 vjeç. E ndjera u gjet e përqafuar me të tre fëmijët e saj nën rrënoja të banesës. E pajetë u nxor edhe Amelia Lala 9 vjeçe, e cila është gjetur së bashku me gjyshen, Sahdete Lala.
VIKTIMAT
Sahadete Lala 79 vjeç - (Gjyshja)
Djali i saj Ilir Lala, (i paralizuar) 52 vjeç i fundit qe u nxorr nga vila 4 kateshe në Kënete
Nëna Marjeta Lala, 31 vjeç me 4 fëmijët:
Emilio Lala
Enis Lala 2 vjeç
Dionisa Lala 2 vjeç - binjakë
Amelia Lala 8 vjeç - Vila në Kënetë
Griselda Lala- 19-vjeç (Motra e Ramë Lalës që shpëtoi)
Anetaret e familjes Lala
Lajme të tjera
-
Lëkundje tërmeti në Shqipëri, epiqendra në Burrel
17 Dhjetor, 18:05 -
Tërmeti i shkallës 7,3 ballë në Vanuatu, deri tani një viktimë, shumë trupa nën rrënoja! Dëmtohen ambasadat amerikane dhe franceze
17 Dhjetor, 09:00 -
Lëkundje tërmeti janë ndjerë orët e para të mëngjesit në Kosovë! Epiqendra ishte në Prizren
12 Dhjetor, 09:55 -
Greqi/ Tërmet me magnitudë 5.3 në Selanik, ja ku ishte epiqendra
3 Nëntor, 18:29 -
Tërmeti shkund Greqinë, epiqendra afër Mitilinit dhe Lesbos! Ja sa ishte forca dhe të dhënat e para nga terreni
27 Tetor, 17:38 -
Tërmet me magnitudë 3.8 në Fier, lëkundjet ndihen në Vlorë, Lushnje e Mallakastër! Ja ku ishte epiqendra
25 Tetor, 19:37 -
VIDEOLAJM/ Tërmeti i fuqishëm ‘shkundi’ Turqinë, spikeren e zë paniku gjatë transmetimit live
16 Tetor, 15:18 -
Tërmeti i fuqishëm shkund Turqinë, ja sa ishte forca dhe ku ishte epiqendra! Nuk ka raportime për viktima (VIDEO)
16 Tetor, 10:48 -
Tërmet 4 ballë godet kufirin Shqipëri-Greqi, ndjehet edhe në Sarandë
1 Tetor, 07:46
-
Tërmeti ‘godet’ El Salvadorin, me magnitudë 6.1! Shikoni pamjet se si lëkunden banesat (VIDEO)
29 Gusht, 09:56 -
Greqi/ Tërmeti godet Rodosin, me magnitudë 4.2 rihter
22 Gusht, 19:00 -
VIDEO/ Tërmeti i fortë shkund Tajvanin dhe lëkund kullat qindrakatëshe! Ja sa ishte forca sizmike dhe epiqendra
16 Gusht, 08:08
