POP 5

Lajmet më të lexuara të 5 minutave të fundit

Sport

'Po mendoj të lë punën', Olsi Rama nuk përmbahet për arbitrin! 'Shpërthen' edhe Daja: Do kërkoj nga klubi mos të pranojë Hamitin

Humbja në derbi kundër Tiranës ka irrituar shumë drejtuesit e Partizanit të cilët kanë sulmuar ashpër arbitrin. Ndërkohë te bardheblutë shprehen të lumtur për fitoren, ndërsa në ‘Air Albania’ ishin shumë më shumë tifozë se sa lejoheshin për shkak të pandemisë.

Derbi i parë i sezonit mes Tiranës dhe Partizanit i ka takuar bardhebluve, të cilët kanë fituar 1-0 falë golit të realizuar me penallti nga Vesel Limaj. Ishte ky episod që irritoi pafund tifozët e Partizanit, por edhe drejtuesit, pasi sipas tyre gjyqtari Hamiti akordoi një 11 metërsh të paqenë, duke dënuar skuadrën.

“Është një situatë ku të gjithë e përjetojnë presionin. Këtu përfshirë edhe veten që po e përjetoj në një mënyrë që po mendoj nëse ia vlen të meresh me këtë punë apo jo. Nuk është hera e parë me këtë Hamit lezhjanin. Është përsëritës, ngelës, por fatkeqësisht ka pak arbitra në Shqipëri. Mendoja që me VAR njerëzit do ishin më përgjegjës,”-u shpreh Olsi Rama, drejtor i Partizanit.

“Do bëj ç’mos, duke kërkuar nga klubi sepse nuk jam unë i duhuri që të merrem me arbitrat, por Hamiti të mos jetë më në ndeshjet tona,"-deklaroi Ilir Daja, trajner i Partizanit.

Humbja kundër Tiranës e ka çuar në 6 ndeshja pa fitore Partizanin këtë sezon, ndërsa autori i golit që vendosi derbin shprehet shumë i lumtur, në një kohë kur realizon në dy ndeshjet e fundit për bardheblutë.

“Sot ishte një gol më i rëndësishëm. U kënaqa më shumë sot se sa me golin që realizova kundër Teutës,”-u shpreh Vesel Limaj, futbollist i Tiranës.

Ndërkohë në kampin bardheblu kjo fitore ka rritur entuziazmin dhe kjo në bazë edhe të fakteve. Aktualisht 25 herë fituesit e Superligës udhëheqin kampionatin me 14 pikë, 3 më shumë se Teuta e vendit të dytë.

“Të themi të drejtën jemi të gjithë të gëzuar. Kampionati gjithsesi do jetë shumë i fortë, por ne jemi në vendin e parë,”-tha Refik Halili, president i Tiranës.

“Sigurisht që është fitore e rëndësishme dhe për këtë jemi të kënaqur. Renditja është provizore sepse ka edhe shumë javë kampionat. Gjithsesi është shumë e rëndësishme vazhdimësia dhe fitorja në derbi. Jam i kënaqur sepse pashë lumturinë në sytë e tifozëve dhe kjo fitore shkon për to,”-deklaroi Orges Shehi, trajner i Tiranës.

Vlen të theksohet se në derbi ligjërisht lejohej 30% e kapacitetit të stadiumit, por present në ‘Air Albania’ ishin rreth 70%. Padiskutim që tifozët janë edhe gjëja më e bukur e derbit, që i mungonin kësaj ndeshje prej shkurtit të 2020.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46