Një peshkatar nga qyteti i Elbasanit me iniciale N.M 73-vjeç ka rënë në ujërat e Shkumbinit dhe ka gjetur vdekjen e menjëhershme, pasi është mbytur.

Sipas të dhënave të policisë, ai ka qenë duke peshkuar në momentin kur nga një pakujdesi ka rënë nga ura në të cilën kishte vënë grepin dhe ka përfunduar në ujë.

Ndonëse ka tentuar që të dalë nga rrjedha e lumit, prurjet e shumta të tij nuk e kanë lejuar, duke shkaktuar kështu mbytjen.

Në anën tjetër të urës ka qenë vetëm një i ri i cili gjithashtu po peshkonte.

Rexhino Muça thotë se, burrin nuk e njihte por e kishte ndihmuar që të mblidhte grepin para se të ndodhte ngjarja.

Ai ka dëgjuar britmat dhe ka parë burrin të bjerë në ujë.Në vendin e ngjarjes kanë mbërritur zjarrfikës dhe efektivë policie të cilët kanë filluar kërkimet për burrin e rënë në ujë dhe për të bërë të mundur identifikimin e tij.
 
Ai kishte një biçikletë dhe mjetet e peshkimit, por asnjë dokument identifikimi me vete. 

Ja njoftimi i policisë
Gjatë   ditës  së  djeshme  një  shtetas,    ka  qenë  duke  peshkuar  dhe  aksidentalisht,  ka  rënë  nga  ura  e  Lumit  Shkumbin.
Policia  ka  mbërritur  menjëherë  në  vendngjarje,  grupi  hetimor     si  rezultat  i  veprimeve  të  shpejta  hetimore  bëri  të  mundur  gjetjen  dhe  identifikimin   e  tij,  ku   rezultoi   se  trupi  i   përket  shtetasit: N.M,   73  vjeç,  banues  në  Elbasan
Materialet  i  kaluan  Prokurorisë  së  Rrethit  Gjyqësor  Elbasan   për  veprime  të  mëtejshme.

mbytet peshkatari ne elbasan

shkumbin

shkumbin

mbytet peshkatari ne elbasan

Redaksia Online
(F.T/shqiptarja.com)