Po hynte në bankë, grabitësit i marrin 7 mln lekë punonjësit të firmës në Tiranë

Rreth 7 milionë lekë i janë grabitur përfaqësuesit të një firme ndërtimi në Tiranë.

Ngjarja ka ndodhur në rrugën “Medar Shtylla” te Komuna e Parisit në Tiranë, rreth orës 15:10, vetëm pak metra larg bankës së nivelit të dytë. 

Përfaqësuesi i një firmë ndërtimi ishte duke çuar një shumë parash në bankë për të bërë disa pagesa dhe në një moment dy persona të maskur me motor janë afruar dhe e kanë goditur me mejete të forta, duke i marrë edhe qesen me lekë.

LEXO EDHE:
Futboll femra/ Vllaznia mund Apoloninë në finale dhe shpallet kampione e Shqipërisë për herë të 11-të radhazi

Më pas dy grabitësit janë larguar me një motor nga Rruga “Medar Shtylla” dhe dyshohet se kanë ikur në drejtim të Saukut.
Burime nga policia sqarojnë se përfaqësuesi i firmës A.S do të bënte disa pagesa në bankë dhe sapo ka dalë nga makina e tij, dy personat me motorr i kanë marrë qesen me lekë. 

Pamjet jashtë bankës ku ndodhi grabitja

“Do bëja disa pagesa për firmën. Nuk i pashë fytyrat e personave që më morën qesen me lekë. Sa dola nga makina u afruan dhe më qëlluan. Nuk e di kush mund ta ketë bërë”, - tha në dëshminë para oficerëve të Policisë punonjësi i frimës.

VIDEO nga vendi i ngjarjes

Momenti i grabitjes është filmuar nga kamerat e sigurisë të bankës, ndërkohë që policia ngriti pika të shumta kontrolli në Tiranë, për arrestimin e autorëve. 

Policia dyshon se grabitësit mund të kenë patur informacion për shumën e parave që kishte punonjësi i firmës dhe kanë organizuar vjedhjen e shumës prej 7 milionë lekësh.

Policia gjatë një kontrolli pas grabitjes

TAG:
• grabitje
• Tirane

Sondazhi i ditës:

Si i vlerësoni mesazhet që dha Rama në takimin me diasporën në Athinë?

• Të drejta

  85.4%

• Të gabuara

  10%

• Nuk e di

  4.6%

Vota total: 1802

• Sondazhi i ditës:

  Si i vlerësoni mesazhet që dha Rama në takimin me diasporën në Athinë?

  Të drejta Të gabuara Nuk e di