TIRANE- Pas largimit nga rezidenca e Shtëpisë së Shkrimtarit në Tiranë të poetit, publicistit dhe shkrimtari Luan Starova, vjen për t’u “strehuar” për një muaj rresht poetja sllovene Barbara Pogačnik. Ajo është bujtësja e dytë në programin e rezidencës së shkrimtarëve dhe përkthyesve "Tirana in Between” organizuar nga Poeteka dhe mbështetur nga Traduki & Ministria e Kulturës.

Barbara që e kaloi rininë e saj në sistemin komunist pohon se nuk e pati të lehtë të niste rrugën e  poezisë, në një shtet ku poezia dhe arti konsideroheshin ende si diçka që mund të bëhej më mirë nga burrat. Por ajo bën diferencën e para mes shkrimtareve femra, prej të cilave sipas saj pritej të shkruanin vetëm për motive “floreale”.