POP 5

Lajmet më të lexuara të 5 minutave të fundit

Sociale

Pogradec, dyfishohet tarifa e pastrimit për bizneset! Këshilli bashkiak voton paketën fiskale për vitin 2024

Këshilli Bashkiak i Pogradecit miratoi mes debatesh paketën e re fiskale për vitin 2024.  Tarifa vendore e pastrimit do të rritet me 20 për qind për qytetarët dhe 40 deri në 100 për qind për bizneset. Kështu nga 2024-ta qytetarët do paguajnë për pastrimin 4 000 lek në vit, nga 3 200 që paguanin aktualisht.

Këshilli Bashkiak i Pogradecit miratoi mes debatesh paketën e re fiskale për vitin 2024. Tarifa vendore e pastrimit do të rritet me 20 për qind për qytetarët dhe 40 deri në 100 për qind për bizneset. Kështu nga 2024-ta qytetarët do paguajnë për pastrimin 4 000 lek në vit, nga 3 200 që paguanin aktualisht.

Ndërsa për bizneset tarifa e pastrimit rritet sipas kategorive nga 40 deri në 100 për qind. Për ata që konsiderohen ndotësit e mëdhenj, si mobileritë, serviset e makinave, punishtet e mermerit, magazinat e farërave dhe fidanëve dhe fermat e shpendëve e rezervatet e peshkut tarifa dyfishohet. Deri më sot këto biznese kanë paguar 25 800 lek në vit, ndërsa në 2024-ën do të paguajnë 51 600 lek në vit.

Për baret, restorantet, hotelet, agro-bizneset dhe ‘fast food’ tarifa e pastrimit nga 18 000 do të bëhet 27 000 lek në vit.  Ndërsa për kategoritë parukeri-estetikë dhe berberët rritja është 40 për qind.

Paketa e re fiskale u kundështua nga 6 këshilltarët e opozitës, por u votua 18 këshilltarët e majtë, që janë mazhorancë në këshillin bashkiak. Në këtë mbledhje jashtë rradhe nuk ishte prezent kryetari i Bashkisë së Pogradecit.  Këshilltari i LZHK Arbër Male tha se tha rritja e tarifave është e pajustifikuar nga ana e administratës vendore.

Vetëm një javë më parë, qytetarët e Pogradecit dolën në protestë përpara Bashkisë për të kundërshtuar rritjen e tarifave vendore, por bashkia nuk u terhoq nga paketa e re fiskale. Në bashkinë e Pogradecit ushtrojnë aktivitetin e tyre 1900 biznese të vogla dhe të mëdha.

Nga tarifa e pastrimit dhe taksa të tjera janë të përjashtuar pensionistët, familjet në ndihmë ekonomike, invalidët, familjet e reja si dhe gratë kryefamiljare.

TABELA
Prodhim (punime mobileri punime druri, punime mermeri,rritje shpendesh, rritje peshku,etj). Tarifa është 17.400 behet 34.800 lek në vit.  
Bizneset me xhiro 0-2 ml lekë:
Rritje 100% - Prodhim (punime mobileri punime druri, punime mermeri ,rritje shpendesh, rritje peshku,etj) ishte 17.400 lekë dhe behet 34.800 lekë
Rritje 50% - Bar restorant hotele, agrobiznes fast food ishte 18000 lekë dhe bëhet 27000 lekë
Rritje 50% - Bar kafe ishte 15000 lekë dhe bëhet 22 500 lekë
Bizenset me xhiro 2-5 ml lekë:
Rritje 100% - Prodhim (punime mobileri punime druri, punime mermeri ,rritje shpendesh, rritje peshku,etj) ishte 25800 lekë dhe behet 51600 lekë
Rritje 50% - Bar restorant hotele, agrobiznes fast food ishte 23700 lekë dhe bëhet 35550 lekë
Rritje 50% - Bar kafe ishte 18240 lekë dhe shkon 27360 lekë
Bizneset me xhiro 5-8 ml lekë:
Rritje 100% - Prodhim (punime mobileri punime druri, punime mermeri ,rritje shpendesh, rritje peshku,etj) ishte 33000 lekë dhe bëhet behet 66000
Rritje 50% - Bar restorant hotele, agrobiznes fast food ishte 29400 lekë dhe bëhet 44100 lekë.
Rritje 50% - Bar kafe ishte 15750 lekë dhe shkon 31500 lekë.

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A respektohen të drejtat e punëtorëve në Shqipëri?

Lajme të tjera



×

Lajmi i fundit

Javier Zanetti 'fton' Zirkzee te Interi: Ai është një kampion, po mendojmë për të

Javier Zanetti 'fton' Zirkzee te Interi: Ai është një kampion, po mendojmë për të

2 Maj, 17:03