POGRADEC-Mesditën e sotme dy persona A.P, 25 vjeç dhe G.Xh, 33 vjeç janë konfliktuar në një lokal në fshatin Tushemisht.
 
Pas këtij konflikti 25-vjeçari ka shkuar në banesën e tij në Tushemisht dhe ka marrë një armë zjarri tip kallashnikov për ta qëlluar.
 
Pasi kishte marrë armën, i riu hyri në ambientet e lokalit për të kërkuar shtetasin me inicialet G.Xh. por 33-vjeçari ishte larguar, ndërsa më pas ka ndërhyrë policia. 
 
25-vjeçari është shpallur në kërkim dhe po punohet për arrestimin e tij, pasi sapo ka parë policinë është larguar me shpejtësi nga vendi i ngjarjes.
 
Nga ana e Policisë, janë ngritur grupe kontrolli dhe po vijon krehja e zonës për kapjen e tij, ndërsa po punohet për zbardhjen e plotë të ngjarjes. 


dy.b/shqiptarja.com