'Babanë të sëmurë mendor e nënën pa punë'/ 46-vjeçari e merr vajzën për t'u kujdesur, por e përdhunon sistematikisht...arrestohet çobani në Pogradec

Një bisedë mes dy shoqeve, vajzës së autorit dhe 13 vjeçares së abuzuar ka bërë që kjo e fundit të denoncoje ngjarjen e rëndë.

Vajza e 46 vjeçarit i ka kërkuar shoqes së saj që ti jepte fund kësaj marrëzie. Por 13 vjeçarja e pambrojtur i ka kërkuar shoqes që ajo të flasë me të atin për të mos abuzuar më me të.

E gjendur përballë kësaj situate vajza e 46 vjeçarit i ka pohuar shoqes se kjo është e pamundur sepse askush në familje nuk mund ti kërkonte atij diçka të tillë, për shkak se ai ishte i dhunshëm.

Pas kësaj bisede e mitura ka marrë guximin për të denoncuar 46 vjeçarin. Fillimisht ajo i është drejtuar operativit të zonës dhe pasi ka biseduar me të, ka shkuar se bashku me nënën në komisariat për të bërë denoncimin. Në rrëfimit të saj vajza ka pohuar se prej një viti shkonte në këtë shtëpi dhe se disa herë ai e kishte ngacmuar me fjalë, por pa kryer asnjë akt, deri në ditën e Bajramit kur ai ka abuzuar me të në ballkonin e shtëpisë për disa ore, duke e dhunuar edhe fizikisht në mënyrë barbare ndërsa vazhdimisht ka ushtruar presion që ajo të mos denonconte.

Ndërkohë grupi hetimor po verifikon edhe deklarimet e vajzës së një tjetër të miture para saj, e cila  ka qenë pre e abuzimeve të 46 vjeçarit, gjë që është pohuar për policinë edhe nga fqinjët të cilët kanë treguar se një tjetër vajzë para 13 vjeçares qëndronte në shtëpi.

E mitura iu është nënshtruar edhe testeve përkatëse gjinekologjike nga të cilat ka rezultuar se ajo është abuzuar seksualisht, si edhe është kryer testi i shtatzënisë që ka rezultuar negativ.

Nga ana tjetër autori i dyshuar i ngjarjes ka mohuar të ketë abuzuar seksualisht me të miturën.

Detaje të tjera të rënda vijnë nga rasti i përdhunimit të të miturës 13-vjeçare në Pogradec. Burime për Report TV bëjnë me dije se vajza është përdhunuar më datë 30 korrik. Ajo është mbajtur gjithë natën e lidhur në ballkon nga autori nën kërcënimin se do ta hidhte. Më datë 1 gusht e mitura u kthye në banesën e saj, por nuk ka treguar gjë. Ndërkohë autori nëpërmjet kërcënimit e detyroi 13-vjeçaren të rikthehej në banesën e tij.

Abuzimi me të miturën vijoi edhe më datë 1 gusht në dhomën bashkëshortore të autorit. Bashkëshortja e tij nuk mund të fliste rreth ngjarjes pasi e ka humbur aftësinë për të folur për shkak të një aksidenti. Nga dt 1 deri në ditën e dënoncimit vajza është mbajtur në banesë nën presion dhe autori i thoshte të ngrihej natën pa bërë zhurmë dhe t'i shkonte në dhomë. Ai e kishte kërcënuar mos tregonte sepse do t'i vriste babain dhe se kishte shokë në polici.

Një detaj tjetër që po hetohet është se vajza ka deklaruar për policinë se ditën që ka shkuar në shtëpinë e autorit atje ka qenë një vajzë tjetër, të cilën ai e kishte larguar po atë ditë. Dyshimet e forta janë se krahas gjithë asaj që i kishte shkaktuar 13 vjeçares ai po e përgatiste për prostitutë.

Fqinja e 46-vjeçarit në Pogradec e përshkruan atë si një "njeri të keq", teksa tregon se e kishte dëgjuar si histori "abuzimin që ai bënte me 13-vjeçaren. Ajo çobani e merrte vajzën në shtëpi, ku jetonte me gruan dhe 2 vajzat. Një nga vajzat e autorit ishte shoqe me 13-vjeçaren.

"Njeri i keq ishte, harbon, merr të miturat. E kishim dëgjuar si histori, po vinte e merrte prej një viti në shtëpi. Jeton me të shoqen dhe të 2 vajzat e tij. Shkonte gruaja ose ndonjë nga vajzat e merrte në shtëpi me të shoqen. I kam folur, ç'kërkon andej ça e ke, vete me çupën gjoja e mëson e bija për shkollë", tregon fqinja.