Pogradec/ Udhëtonte me 2 emigrantë të paligjshëm dhe tentoi t'i ikte policisë, në pranga një 37-vjeçar

Pogradec/ Udhëtonte me 2 emigrantë të paligjshëm dhe tentoi t'i ikte policisë, në pranga një 37-vjeçar

Foto ilustruese

Një 37-vjeçar nga Shijaku u arrestua pasi transportonte 2 emigrantë të paligjshëm me makinë dhe për mosbindje të urdhrit të policisë.

Dhushan Miça së bashku me 2 emigrantë të paligjshëm po udhëtonin me një mjet tip "Opel Zafira" ku u konstatuan në hyrje të Pogradecit.

Policia i dha sinjal për të ndaluar por ai ndali makinën dhe bashkë me emigrantët tentoi të largohej.

Por arratisja nuk zgjati shumë teksa autoritetet i vunë në pranga në afërsi të fshatit Vërdovë në Pogradec.

Nuk dihet ende destinacioni final i emigrantëve.

"Forcat e policisë, kanë konstatuar në hyrje të qytetit të Pogradecit, një mjet tip “Opel Zafira”, me drejtues 37-vjeçarin, të cilit i kanë bërë me shenjë të ndalonte pasi kishte dyshime se po transportonte emigrantë të paligjshëm. Shtetasi i mësipërm, i cili drejtonte mjetin pa leje drejtimi, nuk iu bind urdhrit të punonjësve të policisë për të ndaluar, është larguar me shpejtësi duke braktisur mjetin me 2 emigrantë të paligjshëm në afërsi të fshatit Vërdovë, Pogradec dhe më pas është ndjekur, kapur dhe prangosur" - njofton policia.

Gjithashtu autoritetet filluan procedim penal ndaj një 41-vjeçari me iniciale G.S., banues në Durrës i dyshuar si i implikuar në këtë ngjarje.

Materialet në ngarkim të tyre i kaluan Prokurorisë të Rrethit Gjyqësor Pogradec për veprat penale “Ndihma për kalim të paligjshëm të kufijve, kryer në bashkëpunim”, “Mosbindja ndaj urdhrit të punonjësit të policisë së rendit publik” dhe “Drejtimi i automjeteve në mënyrë të parregullt”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Autoriteti Palestinez formon kabinetin e ri

Autoriteti Palestinez formon kabinetin e ri