Në Loro Boriçi vulosi goli i Bekim Balajt, i cili u konsiderua i rregullt për pak milimetra, ndërsa Dinamos pak minuta më vonë iu anulua një i tillë po me VAR. Edhe pse u përpoqën kryeqytetasit dolën me humbje nga Shkodra.

Pak para se të mbyllej sfida pati përplasje mes stafeve në fushë, me ndihmësin e Ilir Dajës dhe drejtorin sportiv të Vllaznisë Vioresin Sinani, të cilët u larguan me të kuq nga arbitri. Kjo situatë vijoi edhe pas vërshëllimës së trefishtë, kur vendasit festuan në mënyrë të shfrenuar. Madje Edi Martini bëri edhe një gjest anti sportiv ndaj miqve në Shkodër.

Gjakrat e këtij dueli u ndezën një ditë më parë nga trajneri i shkodranëve, Martini, i cili në konferencë për shtyp u shpreh se Ilir Daja dhe Edlir Tetova, trajnerët e Dinamos dhe Egnatias, ushtrojnë presion të arbitrat në dëm të Vllaznisë. Sipas Martinit kjo ndodh sepse ata e e kanë frikë ekipin shkodran.

Ndërkohë Vllaznia me këtë fitore u ngjit në kuotën e 23 pikëve, duke udhëhequr e vetme të paktën për momentin.