Polemiku Donald Trump në OKB: Greta e vogël dukej e lumtur. E padrejtë që nuk jam vlerësuar me Nobel për paqen

Donald Trump e ka përçuar jo pa ironi, fjalimin e përcjellë me lotë të 16 vjeçares suedeze Greta Thunberg.

"Duket si një vajzë e vogël shumë e lumtur që e pret një e ardhme e ndritshme dhe emrekullueshme! Sa e bukur!", Shkruajti Presidenti Amerikan në Twitter duke shoqëruar komentin sarkastik me videon e fjalimit të aktivistit të ri suedez.

Në selinë e Organizatës së Kombeve të Bashkuara, Donald Trump përsërit një prej pretendimeve më të hershme të tij, atë për Çmim Nobel.

Është e padrejtë që nuk jam vlerësuar me Nobel për paqen, thotë kreu i Shtëpisë së Bardhë.

“Mendoj se do të merrja Çmimin Nobel për paqen për shumë gjëra nëse ai do të caktohej në mënyrë të drejtë. Por kjo nuk ndodh. Ata i dhanë një Nobel ish-presidenti Obama menjëherë pas ardhjes në pushtet, dhe as ai vetë nuk e dinte përse e mori çmimin. Dhe a e dini çfarë? Kjo është e vetmja pikë për të cilën dakordësohem me të”, tha Trump.

TAG:
• donald trump
• OKB
• obama
• Greta Thunberg
• Çmim Nobel