POLICAN- Rreth 60 ish-punonjës të uzinës të prodhimit të armëve dhe municioneve në Poliçan kanë protestuar ndaj kësaj ndërmarrje, pasi sipas tyre prej 5 ditësh janë larguar padrejtishisht nga puna. Ata kanë protestuar para ambienteve të uzinës, pasi sipas tyre ata janë shkurtuar nga puna pa u dhënë më parë shpjegime.

Ish-punonjësit e uzinës të prodhimit të armëve dhe municioneve në Poliçan kanë paralajmëruar përshkallëzim të protesave dhe shprehen se do t’i drejtohen të gjitha organeve të drjetësisë për zgjidhjen e kësaj çështje.

Redaksia Online
(e.s/shqiptarja.com)