POP 5

Lajmet më të lexuara të 5 minutave të fundit

Kronikë

Policët e ‘këqinj’ të qershorit, AMP i kap me shkelje! 6 në pranga, 13 të pezulluar! Në 1 muaj, 28 efektivë në hetim

Në muajin qershor, Agjencia e Mbikëqyrjes Policore çoi për hetim në prokurori 28 efektivë policie për shkelje të ndryshme, ndërsa 4 efektivë janë në qeli paraburgimi. Rasti më i bujshëm ishte ai i goditjes ndaj 13 efektivëve, të dyshuar se janë të përfshirë në kultivimin e kanabisit.

13 efektivët e Policisë së Shkodrës, përfshirë dhe zëvendësdrejtori, që janë në hetim nga Prokuroria e Shkodrës, janë goditja më e madhe që AMP ka bërë gjatë muajit qershor në mesin të vetëve.

Rasti lidhet me dyshimet e hetuesve se 13 policët në mes tyre dhe zv.drejtori Hajri Kushe, kanë shpërdoruar detyrën. Akuza e Shkodrës pretendon se ata lejuan kultivuesit që të krijojnë një strukturë të mirë organizuar prej kohësh për kultivimin e kanabisit në njësisë administrative Ana e Malit. Nga hetimet rezultoi se grupi siguronte informacione se kur do të ndërhynte policia apo dhe shmangnin kontrollin në koordinatat e duhura. Për 2 prej tyre u caktua masa “arrest shtëpie”, ndërsa pjesa tjetër u pezulluan nga detyra.

Sipas raportit mujor të Agjencisë së Mbikëqyrjes Policore, ndër të tjera, 2 policë u arrestuan në flagrancë dhe Shkodra ishte sërish në vëmendje për njërin prej tyre.

Efektivi Shkëlzen Gjonaj, specialisti i Rendit në Komisariatin e Shkodrës, i cili u filmua duke vjedhur para në një makinë dhe duke rrahur edhe një qytetar u arrestua në flagrancë.

Me pranga gjatë qershorit përfundoi edhe një efektiv i Policisë së Pogradecit, i cili ishte fajtor në një aksident rrugor, duke u larguar edhe nga vendngjarja.

Referuar AMP-së, gjatë qershorit u bënë 27 referime në prokurori për 28 policë, u caktuan 4 masa “arrest në burg” nga gjykatat, 3 në “arrest shtëpie”, 9 pezullim të ushtrimit të një detyre apo shërbimi publik, 5 ndalim dalje jashtë shteti dhe 2 të tjerë në “detyrim paraqitje” si dhe një i shpallur në kërkim.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xhoni: 06/07/2023 10:20

    Asnje nuk lirohet apo denohen thjeshte i ulin ne grad apo i cojn ne detyra me te ulta dhe larg vendbanimit te tyre apo i kalojn nga polic rrugor ne burgje bashkiak etj Ata po rekrutojn me 9 klas shkoll apo me precedent penal se ka Nr shume te madhe per ta lene pune vete me deshire edhe ne ushtri jane diku 4 mij 5 mij kerkesa

    Përgjigju
  • Polo: 05/07/2023 20:45

    Asgjë nuk ka për të ndodhur...edhe ne Shkodër u arrestuan 15 vete vjet dhe te gjith i ke ne pune edhe shefa bike....

    Përgjigju
  • Arben: 05/07/2023 19:02

    Ok per disa po, por titulli me duket paksa i ekzagjeruar. I vetmi institucion ku kolegu i ben gropen kolegut eshte poicia e shtetit. Me duket se mungojne parimet e pergjithshme... Kush merr drejtimet e policise ka edhe kushte per to, ne te kundert i kerkohet doreheqja.Asnje institucion nuk duhet te kete pavaresi apo mungese kontrolli, por ka ardhur koha qe te kemi nje polici me status te percaktuar dhe te motivuar,patjeter te kontrolluar nga nje komision,jo nga ajo SHKB apo SHÇAB,apo kjo AMP, te mos perdoret mish per top. Fakteqesisht kjo perdorje shkon zingjir me efekt domino, njeri gropos tjerin dhe me pas i vjen radha atij.Kujt ti biesh ndesh,eshte nje forme korrupsioni qe fatkewesisht ka nisur ketu e para 32 viteve, dhe çdo vit eshte imunizuar, eshte bere njesh me te keqen. Policia e ka lare me gjak, jane rreth 350 te vrare. Nuk di institucion tjeter te jete demtuar kaq shume,pa perfshire ketu stresin e perditshem,problemet sociale ekonomike dhe dhe familjare.

    Përgjigju
  • Lazri: 05/07/2023 18:55

    80% e policeve jane hajduta! Keto jane hajduta me uniforme!qe duhet te pastrohen nga radhet e policis,jane me problematiket policet e Shkoders,Lezhes,Fush Krujes qe jane kthyer ne grabitrsa me uniforme,shteti duhet ta shikoje mire,dhe te marrin masa ndaj ketyre banditave me uniform!.

    Përgjigju
  • Ku therret qameti: 05/07/2023 18:00

    Bravo A.M.P .Mire qe keto policat e 2000 lekshave i hoqe te gjithe po ndnj drejtor apo shef komisariati keni ndermend te kapni,apo ata kane bere detyrimet e tyre ndersa keta skan cte japin dhe me keta behet shembemkulli!!!Shikoni ndnj shef se ata po levizin me Porscha neper Vlore e Tirane,boll u moret me policat qe ruajn deren dhe vijne ne pune me Biciklete se lat nam.

    Përgjigju
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Ylli Pata: Pse po i mënjanon Berisha krerët e degëve të PD?

Ylli Pata: Pse po i mënjanon Berisha krerët e degëve të PD?

23 Janar, 19:59 nga Ylli Pata