Punonjësit e policisë janë më të rriskuarit për shëndetin mendor për shkak të profilit të punës, por megjithatë mentaliteti i mban ata larg konsultave me psikologun e vendosur nga shteti. Elidon Shehu psikolog në Policinë e Tiranës, tregon për Report Tv për numrin mjaft të ulët të psikologëve në raport me numrin e efektivëve blu.
Në maj të këtij viti, polici Ludjan Zaimi qëlloi për vdekje me armën e shërbimit kolegun e tij, Çaush Saliasi, brenda ambienteve të Komisariatit nr. 3 në Tiranë. 25-vjeçari prej kohësh ndihej i bullizuar, por përveç kësaj merrte edhe ilaçe për depresion. Ngjarja shokoi opinionin publik dhe tronditi strukturat më të larta të Policisë së Shtetit. Ky krim nxori në sipërfaqe problematikën e shëndetit mendor tek efektivët blu.
Por, a shkojnë policët për të kërkuar ndihmë të specializuar për problemet e ankthit apo depresionit? Psikologu i Policisë së Tiranës, Elidon Shehu, tregon për kulturën e ulët të policëve në këtë drejtim. Pjesa më e madhe e tyre vërehen nga kolegët apo shefat dhe rekomandohen tek psikologu.
“Kemi vërejtur punonjës policie që kanë probleme të stresit apo të depresionit qoftë akutë, për shkak të situatave ose ngjarjeve traumatike që ato janë përballur. Ka edhe punonjës policie që vijnë vetë të takojnë psikologun, por kjo është edhe çështje kulturore. Ne duhet të themi dh eta pranojmë që si shoqëri e kemi pak tabu që të kemi një takim me një specialist të shëndetit mendor. Të gjitha këto takime me psikologun nuk kërkohen në zyrë, por kërkohen në kafe. Nuk janë profesionale, por është një ogur i mirë që nis një takim me një psikolog”, tha Elidon Shehu.
Numri i psikologëve në raport me efektivët e policisë është shumë i zhdrejtë. Vetëm në Tiranë janë dy psikologë, dhe Shehu thotë kjo është e pamjaftueshme.
“Në qarkun e Tiranës janë rreth 2200 punonjës policie dhe janë vetëm dy psikologë. Pra, shikojmë një mosbarazi numri. Nuk po themi që të barazojmë psikologët me punonjësit, por duhet shtuar numri. Na duhen burime njerëzore sa më shumë psikologë, të rritet cilësia e psikologëve dhe të rritet dhe shërbimi ndaj punonjësve”, tha Elidon Shehu.
Policët në shumë raste zgjedhin të shkojnë pranë psikologëve privat. Adelina Pjetra thotë se pasur raste shumë të vështira, kur problemet me shëndetin mendor kanë avancuar ndjeshëm.
“Vijnë privatisht, por vijnë kur ka arritur kulmi, pra kur situata ka dalë jashtë kontrollit totalisht tek ata. Kryesisht personat që kanë ardhur kanë vuajtur nga depresioni janë mjekuar me vite dhe kur asgjë nuk është sistemuar pastaj kanë kërkuar ndihmë profesionale tek psikologu. Ata kanë paguar nga buxheti i tyre familjarë dhe jo si punonjës shteti”, tha Adelina Pjetra.
Numri i atyre që kërkojnë ndihmë është i ulët, në dallim me aq sa mund të kenë nevojë.
“Vijnë me sikletin që të mos kuptohen nga shefat ose nga punonjës të tjerë të policisë, çka bënë edhe një hendek të madh për shumicën e tyre që të kërkojnë ndihmë. Janë të paktë në numër që kërkojnë ndihmë”, tha Adelina Pjetra.
Pasojën e problemeve të shëndetit mendor të policëve më së shumti e vuajnë familjarët.
“Familjarët e punonjësve të policisë që vijnë të kërkojnë ndihmë për dhunën që ushtrohet në familje dhe për frikën që kanë po ta denoncojnë kur njëri nga partnerët është funksionar i policisë”, tha Adelina Pjetra.
Vetëm Drejtoria e Policisë së Tiranës ka të punësuar dy psikologë, drejtoritë e tjera në qarqe vetëm nga një, kurse nëpër komisariate nuk ka. Psikologë kanë edhe repartet e tjera me risk më të lartë, RENEA, FNSH, Drejtoria e Kufirit apo Mbrojtja e Dëshmitarit.
Lajme të tjera
-
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Kundër pr/buxheti 2025, dështon protesta e PD-së para Kuvendit! Zgjati më pak se 2 orë, Berisha kishte bërë thirrje të vazhdonte deri kur të bëhej votimi
19 Nëntor, 16:11 -
Ministri Hoxha prezanton drejtorët e Kukësit dhe Dibrës: Të krijojmë mjedise të sigurta në shkolla, rrugë, lagje e kudo
19 Nëntor, 15:26 -
Sot ndeshja Shqipëri - Ukrainë, Policia e Shtetit publikon planin e masave të ndërmarra! Ja rrugët që do të bllokohen
19 Nëntor, 12:16 -
Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje (VIDEO)
17 Nëntor, 22:21 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Prezantohen drejtorët e rinj të policisë në Tiranë dhe Durrës, Ministri u lë porosi: Zbardhni sa më shpejt vrasjet e fundit, rihapni hetimet për ngjarjet e vjetra
16 Nëntor, 10:15 -
Sot në 20:45 Shqipëri - Çeki/ 'Blindohet' Tirana, rrugët që bllokohen dhe kontroll për tifozët! Policia tregon planin e masave
16 Nëntor, 07:53 -
Rinovohen drejtorët e policive në 12 qarqe, ikin të gjithë të vjetrit, vetëm 1 mbijeton! Në Tiranë Elton Alushi zëvendëson Tonin Vocajn (EMRAT)
14 Nëntor, 16:02
-
Emrat e rinj të 12 drejtuesve të policive në qarqe! Ministri porosi vartësve: Zbuloni sa më shpejt autorët e Masakrës së Shkodrës! Bashkëpunoni me SHISH e prokurorinë
14 Nëntor, 13:12 -
Kryepolici Ilir Proda zhvillon vizitën e parë jashtë vendit, zgjedh Kosovën! Takohet me homologun Gazmend Hoxha: Bashkëpunim për goditjen e krimit dhe trafiqeve
12 Nëntor, 14:37 -
Gara për shefat e 48 komisariateve/ Publikohet lista me 290 emra, 9 prej tyre janë gra
12 Nëntor, 10:10
