Elbasan/Policia mësyn 'fortesën' e Çapjave, dalin pamjet nga aksioni! Pas arrestimit të Ardian Çapjes kapet edhe një i kërkuar, strehohej në banesën e tyre

Në banesën e Ardian Çapjas, 53 vjeç, i cili u arrestua një ditë më parë në Elbasan, është kapur edhe një person i shpallur në kërkim për vepra të ndryshme penale. Gjatë operacionit "Krasta 2021", përveç Ardian Çapjes është arrestuar edhe Ardi Çekani, i dënuar me 1 vit e 6 muaj për veprën penale "Dhuna në familje”, “Kundërshtimi i punonjësit të policisë së rendit publik” dhe “Veprime në kundërshtim me vendimin e gjykatës”. Në momentin e kapjes, këtij shtetasi iu gjet dhe një sasi e vogël lëndë narkotike kanabis.   

Ardi Çekani ishte i shpallur në kërkim dhe fshihej në shtëpinë e Ardian Çapja. Gjatë kontrollit të banesës së 53-vjecarit Çapja, u gjetën edhe një kallashnikov, 5 radio dhe disa uniforma të ngjashme me ato të Policisë.

Një ditë më parë u arrestuar Ardian Çapja, 53 vjeç, si i dyshuar për vrasjen e babë e bir, Gentian dhe Nezir Beqiri në 2012, ndërsa është shpallur në këkrim vëllai i tij Florenc Çapja.

Gentian dhe Nezir Beqiri u vranë në banesën e tyre, ku Gentian Beqiri allias Ardian Meta ishte në ‘arrest shtëpie’ dhe ruhej me dy policë në derën e shtëpisë, pasi akuzohej si  autor i vrasjes së biznesmenit të njohur Sokol Çapja, ngjarje kjo e ndodhur në dhjetor të vitit 2005, i cili dyshohet se u pagua nga fisi i Çelajve.

Gentian teksa qëndronte i shtrirë në krevat pasi ishte i paralizuar është qëlluar për vdekje me 7 plumba të një pistolete me silenciator dhe më pas mbytën edhe babanë e tij Nezir Beqiri. Kjo ndodhi ndërkohë që jashtë derës së shtëpisë ruanin dy efektivat e policisë, ndërsa të arrestuar të tjerë për këtë ngjarje janë Ervis Bardhi, Olsi Leku, Etjen Cani, Klajdi Dokoli.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet