POP 5

Lajmet më të lexuara të 5 minutave të fundit

Kronikë

Policia Rrugore Lezhë/ Masa për parandalimin e aksidenteve, 1379 gjoba në total

Nga kontrolli i ushtruar u konstatuan disa shkelje të rregullave të qarkullimit rrugor, për të cilat u morën edhe masa.

Policia rrugore e Lezhës ka ndërmarrë disa akte kontrolli me qëllim rritjen e parametrave të sigurisë rrugore. Nga kontrolli i ushtruar u konstatuan disa shkelje të rregullave të qarkullimit rrugor, për të cilat u morën edhe masa. Në këto kushte policia rrugore vendosi në  total 1379 gjoba ndaj shkelësve të ligjit. 

Njoftimi i Policisë Lezhë

Konstatohen 2 raste të lëvizjeve në sens të kundërt në autostradë , duke u bërë burim aksidenti.

- Një mjet tip Kamion me drejtues shtetasin M.V. i cili në autostradën me drejtim lëvizje Tiranë - Lezhë, po lëvizte në sens të kundërt. 
- Një mjet tip furgon me drejtues shtetasin Z.M.( i papajisur me leje drejtimi) i cili në autostradën me drejtim lëvizje Lezhë - Tiranë, po lëvizte në sens të kundërt. 

Ndaj drejtuesit M.V. u vendos masa administrative pezullim i lejes së drejtimit bazuar në nenin 22 të Kodit Rrugor për shkeljen e nenit 174.1/A të Kodit Rrugor " Lëvizje në sens të kundërt në autostradë", ndërsa shtetasi Z.M. u arrestua pasi nuk ishte i pajisur as me leje drejtimi.  Konstatohet dhe ndëshkohet administrativisht për nenin 139 pika 5 të Kodit Rrugor, shtetasi B.B. i cili duke drejtuar mjetin tip Opel në autostradën Fushë Milot - Thumanë po bënte gara shpejtësie. 

Arrestohen në flagrancë 6 shtetas dhe proçedohen në gjendje të lirë 2 të tjerë për " Drejtim mjeti pa leje drejtimi", të konstatuar në Fushë Milot, në Shënkoll dhe Lezhë. 

Vendosen në total 1379 masa administrative : 

- 392 Masa për shpejtësi tej normave të lejuara 
- 93 Masa për mospërdorim të rripit të sigurimit 
-248 Masa për parakalim të gabuar 
- 6 Masa për mospërdorim të kaskave mbrojtëse 
- 82 Masa për përdorim telefoni gjatë drejtimit të mjetit 

Ndërsa pjesa tjetër e masave administrative për shkelje të ndryshme të Kodit Rrugor. 

-Janë ndaluar administrativisht 16 mjete të cilat kanë rezultuar me detyrime administrative të pashlyera. 
-Janë tërhequr 220 leje drejtimi për " Shpejtësi tej normave të lejuara" "Drejtim mjeti nën efektin e alkoolit" 

Është menaxhuar pa ndërprerje fluksi i mjeteve gjatë pelegrinazhit në Kishën e Shna Ndout më data 12-13 Qershor e cila kaloi pa asnjë incident, korrombol apo aksident automobilistik.  Policia Rrugore e Lezhës do vazhdojë kontrolle të tilla, duke u kërkuar drejtuesve të mjeteve të respektojnë rregullat e qarkullimit rrugor dhe të mos bëhen burim aksidenti.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Presidenti i Urdhrit Veterinar denoncon: Mandarinat në Shqipëri me mbetje pesticidesh të ndaluara në vendet e BE! Shkakojnë kancer

Presidenti i Urdhrit Veterinar denoncon: Mandarinat në Shqipëri me mbetje pesticidesh të ndaluara në vendet e BE! Shkakojnë kancer

18 Dhjetor, 15:49