Policia serbe arreston dy
policë kosovarë në Merdarë

Policia serbe arreston dy <br />policë kosovarë në Merdarë
BEOGRAD/PRISHTINE - Policia serbe ka arrestuar sot dy policë kufitarë të Kosovës në pikën kufitare të Merdarit. Lajmi fillimisht u bë i ditur nga ministri serb i Punëve të Brendshme, Ivica Daçiç, dhe është konfirmuar edhe nga homologu i tij kosovar Bajram Rexhepi.

Sipas Daçiç, arrestimi i dy policëve kosovarë ka ndodhur rreth orës 10:30. Ata ishin të armatosur me dy pushkë automatike, dy pistoleta dhe aparatura speciale për matjen e largësisë.

Ata quhen Shukri Binaku dhe Sami Beqiri, tha Daçiç në një konferencë për shtyp.

Sipas ministrit serb, dy policët kosovarë kishin kaluar kufin dhe ndodheshin në territorin serb.

Daçiq ka thënë se armët që kanë poseduar dy pjesëtarët e Policisë së Kosovës paraqesin shkelje drastike të marrëveshjes ushtarako-teknike, të nënshkruar në Kumanovë, më 1999. 

Fotografia që shoqëron lajmin u publikua nga Daçiç gjatë konferencës për shtyp së bashku me disa foto tjera ku shfaqin policët e Kosovës të shtrirë përdhe, te lidhur me pranga dhe të çarmatosur. Në foto shihet edhe xhandarmëria serbe e maskuar, e cila pasi që kishte prangosur policët e Kosovës kishte drejtuar edhe tytat e pushkëve në kokat e policëve kosovar.

Gjithashtu, Ministri i brendshëm Bajram Rexhepi i konfirmoi RTK-së arrestimin e dy policëve të Kosovës nga policia e Serbisë.
Rexhepi tha se janë duke marrë shpjegime se si ka ndodhur rasti. Deri tani janë duke i vërtetuar informacionet nëse policët kosovarë, të arrestuar, e kanë tejkaluar brezin e gjelbër të kufirit. 
Rexhepi nuk dha më shumë detaje për rastin dhe tha se janë duke u marrë intensivisht për ta sqaruar rastin. 
Autoritetet policore janë të rezervuara për të dhënë informacione shtesë për rastin. 

/rg/shqiptarja.com/

  • Sondazhi i ditës:

    Shqipëria luan ndaj Kroacisë sfida e dytë në Euro 2024, kush fiton?



×

Lajmi i fundit

Lorik Cana: Presioni te Kroacia, se s'jemi pretendentë! Na duhet cilësi në sulm

Lorik Cana: Presioni te Kroacia, se s'jemi pretendentë! Na duhet cilësi në sulm