Inspektoriati serb sekuestroi 5 mijë kopje libra mësimorë që ishin vendosur fillimisht në shkollën ”Zenel Hajdini”, ” në fshatin Rainc të Preshevës që më pas prej aty të shpërndahen nëpër shkolla të tjera shqipe. Librat e hartuar sipas plan programeve të Kosovës dhe të shtypur nga botuesit kosovarë kanë qenë për nxënësit e klasës së parë, të dytë, të tretë dhe të katërt.
Ka përfunduar aksioni i Inspektoriatit serb në shkollën fillore “Zenel Hajdini” në fshatin Rainc të Preshevës duke konfiskuar të gjitha librat, rreth pesë mijë copa, që ishin të vendosur aty.
Raportohet se të gjithë librat sipas kryetarit të komunës së Preshevës, Ragmi Mustafës janë dërguar në stacionin policor të qytetit të Preshevës. Përpos kësaj Drejtori i shkollës, Shukri Ymeri dhe sekretari i shkollës, Begzad Iljazi janë shoqëruar për në stacionin policor të Preshevës për tu intervistuar.
![](https://www.shqiptarja.com/template/img/sh_logo1.png)