Paketa Fiskale, e miratuar nga qeveria për vitin 2015, pavarësisht nga rritja e ndjeshme e taksimit, nuk ka rezultuar në nivel të kënaqshëm. Tatimi mbi të Ardhurat Personale (TAP) u rrit nga 10% në 15%.

Efekti nga kjo masë në buxhetin e shtetit u parashikua të ishte 5 miliardë lekë. Të ardhurat nga ky grup taksash u parashikuan të ishin 2.9 miliardë lekë më shumë se të ardhurat e realizuara në vitin 2014. Por, në fakt, realizimi në vitin 2015 ishte 418 milionë lekë më shumë se viti 2014.