POP 5

Lajmet më të lexuara të 5 minutave të fundit

Sociale

‘Ponder’, programi që nxit mendimin kritik tek të rinjtë! 5 më të mirët do zhvillojnë praktikë në mediat shqiptare

Gjatë një viti, rreth 400 të rinj janë bërë pjesë e një programi që synon të nxisë aftësinë e të menduarit kritik për të dalluar lajmet e rreme, por dhe për tu aftësuar profesionalisht si gazetarë të ardhshëm. Aftësitë e fituara gjatë programit, të rinjtë mund t’i praktikojnë në media të ndryshme.

Nuk kanë lidhje me median, por falë angazhimit në projektin “PONDER” për nxitjen e mendimit kritik, nesër mund të jenë gazetarët e ardhshëm. Konkursi “Kritikët e Rinj” zbuloi 5 të rinjtë më të mirë, që u përfaqësuan me ese, në mesin e dhjetëra aplikantëve.

“Gazetaria është shumë e rëndësishme, media është shumë e rëndësishme. Është një luftë e përbashkët që shkon përtej asaj diplome që të garanton që ti je gazetar”, tha një fitues.

“E mora thjesht si një zbavitje për disa ditë, por kur u futa në brendësi të PONDER, mësova shumë gjëra. E mora me seriozitet se e dija që kjo gjë në jetën time do më duhej”, tha një tjetër.

Përmes një memorandumi bashkëpunimi mes AMA-s, Unionit të Gazetarëve dhe ALBICT, të rinjtë e programit “PONDER”, do të kenë mundësi të bëjnë praktika profesionale pune në mediat shqiptare.

Për kryetaren e AMA-s Armela Krasniqi, programe të tilla përmirësojnë dhe rrisin efikasitetin e lajmit dhe perceptimin e të rinjve për median.

“Unë e kuptoj se pas disa vitesh do të kemi njerëz më të formuar që do të dinë ta lexojnë lajmin, por çfarë ndodh me këtë gjeneratën që është në mes? A mendon njeri? Çfarë ndodh me këtë gjeneratën që është në mes? Çfarë ndodh me këtë gjeneratë që rrin gjithë ditën në Tik-Tok dhe vjen në darke në shtëpi dhe flet për një avion Rus që ka bërë namin? E shikoni si shkon propaganda dhe si përhapet ajo tek fëmijët e vegjël? Prandaj besoj fort që projekte të tilla i shërbejnë të gjithëve”, tha kryetarja e AMA-S, Armela Krasniqi.

Për kryetarin e Bordit të ALBICT, Kushtrim Shala interesi i lartë i të rinjve, për t’iu bashkuar nismave të tilla, tregon nevojën për të qenë edhe ata pjesë e zhvillimit të medias

“Ka një mision për nxitjen e mendimit kritik për sa i përket analizës së mediave. Për atë që ata lexojnë çdo ditë në median sociale, moderne, tradicionale. Programi ka dhe një mekanizëm të veçantë që bën ndërlidhjen e medias me të rinjtë e talentuar për ti angazhuar në punë, përmes praktikave të ndryshme”, tregoi Kushtim Shala,  Kryetari i Bordit të ALBICT.

Konkursi organizohet nga ICTSLab me mbështetjen e UNICEF Albania dhe Qeverisë Italiane.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 07/07/2023 02:21

    Program i mire,por pak larg realitetit.Zakonisht mendimi kritik ne mediat shqiptare ruhet per kundershtarin,tradhetarin,ose rivalin,rallehere per /te tute/e zakonisht varet nga preferencat e merite e boseve ne lidhje me politiken,qe japin dhe pagat.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

27 Nëntor, 22:16