POP 5

Lajmet më të lexuara të 5 minutave të fundit

Ekonomi

Porti, 718 mijë ton mallra e
775 mijë udhëtarë më 2014

Edhe pse në portin detar të Durrësit volumi i punës u rrit gjatë vitit 2014, përsëri statistikat flasin për një ulje të mallrave të eksportit dhe rritje të atyre që vijnë nga importi. Këto të dhëna janë bërë të ditura nga zyra e statistikës pranë Autoritetit Portual Durrës. Mallrat më të eksportuara kanë qenë mineralet, konfeksionet, çimentoja,
skrapi e të tjera. 
Edhe pse në portin detar të Durrësit volumi i punës u rrit gjatë vitit 2014, përsëri statistikat flasin për një ulje të mallrave të eksportit dhe rritje të atyre që vijnë nga importi. Këto të dhëna janë bërë të ditura nga zyra e statistikës pranë Autoritetit Portual Durrës. Mallrat më të eksportuara kanë qenë mineralet, konfeksionet, çimentoja,
skrapi e të tjera.

Ndërsa janë importuar lëndë të para për industrinë vendase, karburante, materiale për sektorin e ndërtimit, pije alkoolike, cigare, pajisje elektroshtëpiake, si dhe mallra të tjera. Si gjithnjë, portet më të vizituara nga anijet, të cilat realizojnë transporte për subjektet shqiptare, janë ato italiane, greke, turke, ukrainase, ruse, si dhe më pak porte të vendeve të tjera. Gjatë vitit 2014 në portin e Durrësit janë përpunuar afro 3 milionë e 718 mijë ton mallra, ose 4 për qind më shumë se sa janë përpunuar gjatë vitit paraardhës. Ndërkaq, tragetet janë rritur me 11 për qind.

Të shprehura në shifra, gjatë vitit 2014 në kalatat e portit janë ngarkuar dhe nisur drejt porteve të tjerë pak më shumë se 1.6 milion ton mallra, ndërsa janë shkarkuar më shumë se 2.1 milionë ton mallra. Klinkeri dhe çimentoja me përkatësisht 235 mijë ton dhe 193 mijë ton, si dhe prokatet e llamarinat me 132 mijë ton, zenë vendet e para në listen e mal lrave të eksportit, ndërsa nuk mungojnë edhe kromi e hekur-nikeli me sasi më të vogla se 100 mijë ton.

Rreth një e treta e mallrave janë përpunuar në terminalin e kontejnerëve, numri i përgjithshëm i të cilëve në TEU (Njësi kontejnerike) arrin në afro 100 mijë, ose 9.700 njësi më pak se sa gjatë vitit 2013. Kjo është kryesisht rrjedhojë e vonesës së koncesionarit në kryerjen e investimeve në vinça të përshtatshëm,
për plotësimin e të cilit Autoriteti Portual ka ushtruar presion të vazhdueshëm.



Shkrimi u botua në numrin e sotëm (14 Janar 2015) të gazetës "Shqiptarja.com", versioni print

Redaksia Online
(Shqiptarja.com)
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Kupa e Shqipërisë/ Ndryshojnë oraret e ndeshjeve, Tirana - Bylis dhe Dinamo - Erzeni

Kupa e Shqipërisë/ Ndryshojnë oraret e ndeshjeve, Tirana - Bylis dhe Dinamo - Erzeni

11 Janar, 15:19