Porti i Durrësit, debati në Repolitix! Inxhinieri Meçe: Po ndërtohet nga Alabbar, një prej më të njohurit në botë! Kalaja e ‘Rithemelimit’: Biznesmeni nga Emiratet, më pak aksione

TIRANË- Projekti i Portit të Durrësit është vënë në qendër të diskutimeve, ndërsa po kundërshtohet ashpër nga opozita të cilët e quajnë një aferë korruptive.

Debati për këtë projekt ka qenë sonte diskutimi në emisionin ‘Repolitix’ në Report Tv. Adriana Kalaja, kandidatja e Rithemelimit për bashkinë e Tiranës thotë se pas kompanisë Eagle Hills Real Estate Development nuk qëndron biznesmeni Muhammed Alabbar, por kompani ofshore. Por, kjo u kundërshtua nga analisti Arben Meçe dhe gazetari Flogert Muça.

Pjesë nga debati

Kalaja: Zotëria nuk i di as emrin mendo sa informacion ka. Këto janë gënjeshtra që s’mund ti lejojmë të thuhen për publikun. Sa lidhej me kompaninë Eagle. Është krijuar në 2021. Nuk kanë shoqëritë kryetarë. Unë e kam fyerje të dëgjoj këto lloj diskutimesh.
Meçe: Zonja do mbyll gojën. Mund të lexojë që është kështu.
Kalaja: Ju nuk dini emrin, s’keni informacion. Alabbar është aksione i shoqërisë North. Nuk është i Eagle. Këto janë prova që janë këtu.
Kalaja: Po sqaroj situatën
Meçe: Dëgjo moj dëgjo. North është aksionere në Eagle.
Muça: Alabbar ka krijuar një kompani që quhet Eagle Hills që e ka në pronësi të tij. Ai operon në Europë dhe në Mesdhe. Duhet një kompani në Shqipëri që do bashkëpunojnë, Eagle është person juridik shqiptar.
Kalaja: Po thotë të pavërteta, ja ku e keni. Nuk mund ta lë unë të gënjej. Ja ku i keni provat. Aksioneri është Alabbar apo kompania North.

Projekti i Portit të Durrësit ka sjellë ditën e sotme përplasje te opozitës dhe mazhorancës në Komisionin e Ekonomisë dhe atë të Ligjeve. Dy komisionet miratuan sot pa votat e opozitës marrëveshjen për projektin e investimit strategjik të Portit të Durrësit i cili do të kushtojë 2.1 miliardë Euro. Për shkak se u votua në Kuvend për ta futur marrëveshjen me procedurë të përshpejtuar, opozita e konsideron një aferë. Nga ana tjetër PS thotë se ky është një investim që do t’i sjellë Shqipërisë të ardhura, si edhe do të kthehet në portin më të Madh në Mesdhe.

Porti i ri do të ketë 280 vende ankorimi Yahtesh 12 000 apartamenteve dhe 2 hoteleve me 5 yje. Kompania përjashtohet vetëm nga dy 2 taksa, ndikimi në infrastrukturë dhe strehimi social. Projekti do të zhvillohet në një sipërfaqe trualli prej 812 600 m2, që nga investimi, i kalon në pronësi kompanive. Projekti parashikon 80 000 metër katror hapësira të gjelbra, ose hapësira të hapura dhe një gjatësi plazhi 700 metra. Faza e parë nis në 2023-shin e zgjat për 5 vite, me vlerë investimi  € 595 milionë euro, dhe për fazën e dytë që pritet të nisë në 2028-ën, investimi është rreth 1 miliardë e gjysmë euro. Marrëveshja ka një jetgjatësi prej 35 vitesh, ndërsa përfundimi total i realizimit të projektit zgjat 20 vite. Qeveria shqiptare do të përfitoi gjatë gjithë kohës 33.3% të dividentit.

Rendit zhvillimet sipas orarit:

Të Fundit Të Parat

SI.E./r.k./Shqiptarja.com

TAG:
• flogert muca
• Arben Meçe
• adriana kalaja
• projekti i portit te durresit
• porti i durresit
• repolitix