POP 5

Lajmet më të lexuara të 5 minutave të fundit

Sport

Prag kualifikueset e Kombëtares/ Ndoji, Uzuni dhe Çekiçi gjejnë rrjetën në Europë! Rejën e tremb Broja (VIDEO)

Tre futbollistë të Kombëtares, Emanuele Ndoji, Myrto Uzuni dhe Endri Çekiçi kanë shënuar gol në fundjavë, duke dhënë sinjale pozitive për Edy Rejan në prag të grumbullimit për dy ndeshjet kualifikuese të Botërorit.

Në prag të dy ndeshjeve të Kombëtares për kualifikueset e Botërorit kundër Andorës dhe Anglisë në fund të marsit Emanuele Ndoj, mesfushori që luan me Brescia-n, është rikthyer të jetë i rëndësishëm. 24-vjeçari ka lënë pas dëmtimin që e mbajti jashtë fushave për një kohë të gjatë dhe në ndeshjen e fundit ishte heroi, duke realizuar golin e fitores 0-1 kundër Frosinone-s. Në këtë ndeshje Ndoj hyri si zëvendësues në minutën e 61, duke i dhënë tre pikë të rëndësishme ekipit që e mban larg zonës së ftohtë në Seria B. Rikuperimi i Ndojit është nja lajm tejet pozitiv në një kohë kur Abrashi nuk do jetë i disponueshëm për shkak dëmtimi.

Këtë fundjavë ka shkëlqyer edhe Endri Çekiçi, i cili ka realizuar golin e tretë në fitoren 3-0 të Ankaraguçu kundër Goztepe-s. Ky ishte goli i dytë për Çekiçin në ligën kryesore turke, ndërsa ekipi i tij largohet nga zona e ftohtë.

Sakaq gol të dielën ka realizuar edhe Myrto Uzuni. Sulmuesi shqiptar i Ferencvaros ishte autori i një penalltie të realizuar saktë në fitoren 5-2 që ekipi i tij mori kundër Paks. Me këtë fitore Ferencvaros shkëputet ndjeshëm nga kundërshtarët në luftën për titull kampion, pasi vendi i dytë aktualisht është 13 pikë më pak.

Paraqitje tejet pozitive këtë fundjavë kanë bërë Hysaj me Napolin, Nedim Bajrami me Empolin dhe Berisha me Spal. Lajmi i keq është vetëm dëmtimi i Armando Brojës me Vittese-n. Për të dytën javë radhazi sulmuesi largohet i dëmtuar nga fusha, por nuk dihet nëse këtë herë do ia dalë sërish. Momenti i dëmtimit ngjall jo pak frikë për një mungesë të gjatë të tij.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56