Projektbuxheti 2024/ Mete te ‘Ligjet’: 26.2 mld lekë për institucionet e drejtësisë, dyfishohet krahasuar me 2016

Projektbuxheti 2024/ Mete te ‘Ligjet’: 26.2 mld lekë për institucionet e drejtësisë, dyfishohet krahasuar me 2016

Ervin Mete

Buxheti i institucioneve të drejtësisë është dyfishuar brenda 8 vitesh dhe rritja do të vijojë edhe në vitin që vjen.

“Projektbuxheti i vitit 2024 parashikon rreth 26.2 miliardë lekë për drejtësinë, ose 13.5 miliardë lekë më shumë se buxheti i vitit 2016. Edhe krahasuar me vitin 2023, buxheti i parashikuar për sektorin e Drejtësisë rritet në mënyrë të konsiderueshme, me 4.2 miliardë lekë më shumë”, u shpreh ministri Ervin Mete.

I pranishëm në Komisionin e Ligjeve, ministri i Financave Ervin Mete tha se shpenzimet për personelin në vitin që vjen do të jenë 16 miliardë lekë ku përfshihet edhe rritja e pagave. 

Ministri detajoi edhe investimet publike të parashikuara në projektbuxhetin e vitit 2024 për institucionet e drejtësisë.

“Për SPAK mbështeten me 550 milionë lekë projektet e reja infrastrukturore dhe pajisjet teknologjike, të cilat parashikohen të implementohen në vitet 2024-2025.  Implementimi dhe Përmirësimi i sistemit të regjistrit elektronik noterial, me vlerë rreth 234 milionë lekë. Ndërkohë që vijon mbështetja buxhetore për ndërtimin e Institucionit për edukimin dhe rehabilitimin e të miturve me 632 milionë lekë për vitin 2024”, tha Mete.

Investime të tjera në fushën e drejtësisë janë parashikuar për përmirësimin e infrastrukturës në mjekësinë ligjore dhe laboratorin e toksikologjisë, për përmirësimin e infrastrukturës së Gjykatës Kushtetuese me vlerë 20 milionë lekë dhe ai Prokurorisë Tiranë si dhe fonde për Arkivën Digjitale për Këshillin e Lartë të Prokurorisë.

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Berisha shpërblen Bardhin, por shmang votimin për të! Tabaku ‘refuzon’ ish-kryeministri, burime: S’merr pjesë të martën në mbledhjen e Këshillit Kombëtar

Berisha shpërblen Bardhin, por shmang votimin për të! Tabaku ‘refuzon’ ish-kryeministri, burime: S’merr pjesë të martën në mbledhjen e Këshillit Kombëtar