Katër ish-të dënuar të regjimit komunist prej më shumë se dy javësh janë ngujuar në ish-burgun e Qafë Barit në Fushë-Arrëz, duke kërkuar miratimin e statusit për ish-të përndjekurit politik. Për të tërhequr vëmendjen e qeverisë, ata kanë zgjedhur të shkojnë pikërisht në vendin ku kanë vuajtur dënimin gjatë regjimit komunist.
Kryetari i Shoqatës së të Përndjekurve politikë në Shkodër, Zenel Drangu, në një intervistë për Report TV tha se greva është e drejtë pasi ish-të dënuarit dhe të përndjekurit prej 30 vitesh u mashtruan, ndërsa zhgënjimin më të madh e pësuan gjatë qeverisjes së Sali Berishës.
"Kërkesat e tyre janë për dhënien e statusit të përndjekurit, ngjashëm me statusin e veteranit por me disa ndryshime. kërkesë tjetër është futja në axhendën e qeverisë e letrave me vlerë në masën 100 për qind, sepse na u bë një padrejtësi nga qeveria demokrate, nga Sali Berisha. dhe kërkesë e tretë për rivlerësimin e ligjit për të pushkatuarit me gjyq dhe pa gjyq", u shpreh ai.
Zenel Drangu shprehet se demokratët nuk bënë sa duhet për këtë shtresë, edhe pse kërkuan ndihmën e tyre gjatë fushatës elektorale.
"Gjatë fushatës, kandidatëve për deputet të PD-së u kërkova që të shkojnë atje të negociojnë me grevistët që të dalin prej andej dhe të plotësohen kërkesat nëse do jeni maxhorancë, nëse jo të ngrini zërin. Por rezultati është se ata as nuk e morën mundimin fare", tha Drangu.
Kërkesat e protestuesve janë për ndryshimin e ligjit, përfshirjen e letrave me vlere në dëmshpërblimin financiar, kompensim fizik e material të pasurive të konfiskuara, vlerësim të krimeve të komunizmit si krime kundra nejrëzimit, etj. Drangu shprehet i gatshëm për të kryer rolin e negociatorit mes përfaqësuesve të qeverisë dhe grevistëve.
"Qeveria duhet të shkojë atje, të paktën ti dëgjojnë. unë jam gati të shkoj me deputetët e Shkodrës apo përfaqësues të qeverisë të shkojmë të negociojmë sepse kërkesat janë të realizueshme", përfundon ai.
Godina e ish-burgut në Qafë-Bari ku janë ngujuar 4 ish-të përndjekur politikë
Komente
Lajme të tjera
-
Paralizohet Greqia, sot grevë 24 orëshe në sektorin publik dhe privat
20 Nëntor, 08:21 -
Itali/ Punonjësit e transportit publik futen në grevë! Vetëm 30% e personelit në punë për evitimin e kolapsit total
8 Nëntor, 14:40 -
Kriza ekonomike e Boeing, do të shkurtojë 17 mijë vende pune! 33 mijë punonjës në grevë prej një muaji
12 Tetor, 17:30
-
40 vjet nga revolta e Qafë Barit, Basha kujton ngjarjen: Edhe sot çdo shqiptar e ka të përbrendshëm revoltimin
22 Maj, 12:19 -
Kryetari i shoqatës së ish-të përndjekurve në Shkodër thirrje Ramës: Muzeu për krimet e komunizmit të bëhet në ish-burgun e Spaçit, jo në Reps!
20 Maj, 17:04
-
Greqi, qindra taksistë në grevë, bllokojnë rrugët kryesore të Athinës: Duam ulje taksash!
27 Shkurt, 20:50 -
Gjermani, drejtuesit e trenave shpallin grevë gjashtëditore
23 Janar, 12:04 -
Amazon, protesta në të gjithë Europën për të Premten e zezë: Punëtorët në grevë, kyçin magazinat
24 Nëntor 2023, 14:00 -
Itali/ Greva e dy sindikatave kundër projektbuxhetit të qeverisë Meloni, bllokohen rrugët për në spitale dhe shkolla
17 Nëntor 2023, 10:23 -
Minatorët e Trepçës ndërpresin grevën
3 Nëntor 2023, 09:01 -
SHBA, në grevë mbi 75 mijë punonjës të sistemit të kujdesit shëndetësor
5 Tetor 2023, 08:55 -
Hollivudi fillon të përgatitet gradualisht për daljen nga greva
26 Shtator 2023, 08:15
Jam dakord qe ish te denuarit politike te gezojne statusin e tyre,por me pare duhen rishikuar dosjet ne se e meritojne ose jo.P.sh, nuk mendoj qe nje person qe ka bere nje krim ordiner (vrasje ose vjedhje)dhe pastaj nga frika ia ka mbathur drejt kufirit dhe eshte denuar per arratisje,te fitoje kete status,pasi arratisja e tij nuk ishte per arsye te pastra politike.Gjithashtu nuk mund te marre statusin edhe nje bashkpuntor i pushtuesve,ose nje ish- anetar i partise fashiste.
PërgjigjuKerkoni negocim.por me pare sejcili prej jush te shkoje para nje trupi gjukues dhe te denoncoje denimin e padrejte,ne kundershtim me ligjet nga nje trupe gjukuese. PRA fitoni pafajesine per ate cka jeni denuar.Ndryshe statusi juaj eshte i dyshimte dhe nuk duhet tiu jepet.Mjaft me me abuzime.
Përgjigju