Tashmë prej më shumë se 3 javësh, qytetarët protestojnë kundër qeverisë dhe figurave që kanë dominuar skenën politike prej rreth 35 vitesh. Në ditën e 23, grumbullimi vijon të zhvillohet sipas të njëjtit itinerar, fillimisht te seshi ‘Skënderbej’ e më pas drejt kryeministrisë.

Qytetarët me pankarta në duar flamuj, përsërisin thirrjet, ‘Rama në burg, Berisha në burg’ dhe ‘Rama jepe dorëheqjen’. Si indicie për zhvillimin e protestave, jo vetëm në Tiranë, shërbeu investimi prej 4 miliardë dollarësh i planifikuar në Zvërnec.

Grupi organizator i protestës ka dalë me kërkesat e plota drejtuar qeverisë me në krye kryeministrit Edi Rama.

“Sot jam autorizuar nga grupi koordinues i protestës. Në emër të grupit koordinues, duke dëgjuar propozimet e sovranit, dalim sot para jush me këtë deklaratë për të sqaruar protestuesit dhe gjithë bashkëkombasit se kjo protestë kërkon:

1. Dorëheqjen e panegociueshme të kryeministrit dhe qeverisë.

2. Krijimin e një qeverie teknike dhe tranzitore, jopartiake dhe me mandat 12-mujor.

3. Ndryshime kushtetuese ku të gjithë shtetasit shqiptarë të jenë të barabartë përpara ligjit dhe miratimin me referendum popullor, duke përfshirë:

* ndryshimin e Kodit Zgjedhor;

* ndryshimin e ligjit për financimin e partive politike dhe organizatave të ndryshme;

* kufizimin e ushtrimit të detyrës së kryeministrit në jo më shumë se 2 mandate të plota ose të pjesshme gjatë gjithë jetës së një individi.

Nuk heqim dorë nga kërkesat fillestare:

* Anulimin e ndryshimeve të bëra për zonat e mbrojtura.

* Anulimin e ndryshimeve të bëra në ligjin për trashëgiminë kulturore.

* Shfuqizimin e paketës ligjore të njohur si “Pakti i Maleve”.

* Shfuqizimin e statusit dhe kuadrit ligjor për investimet strategjike.

* Një kontratë e re sociale mes qytetarëve dhe shtetit, që do të përpilohet pas konsultimit me intelektualë, ekspertë teknikë dhe qytetarë apartiakë të propozuar nga sheshi i protestës.

Këto janë kërkesat tona, legjitime dhe të panegociueshme. Mbetemi të vendosur në rrugën e protestës paqësore deri në realizimin e tyre”, janë kërkesat.

Theksojmë se këto ditë proteste nuk i kanë shpëtuar incidenteve. Reagimi i 4-t ka ardhur sot nga Asociacioni i Gazetarëve duke ngritur si shqetësim klimën e presionit dhe intimidimin ndaj gazetarëve që po raportojnë nga terreni. Vetëm për dje, organizata tha se gjatë ditëve të fundit janë regjistruar sulme verbale, fyerje dhe tentativa për pengimin e punës së medias.

Lajmi në përditësim...

Rendit zhvillimet sipas orarit:
Ora 20:33
Ish-deputeti i PD Ervin Salianji i bashkohet protestës së qytetarëve te kryeministria

 

Ish-deputeti i Partisë Demokratike, Ervin Salianji i është bashkuar protestës së qytetarëve në ditën e 23. Në protestë kanë shkuar edhe deputetë të PD, Jorida Tabaku e të tjerë.

Salianji kandidoi gjithashtu dhe për kryetar të PD, por Sali Berisha e përjashtoi nga gara me argumentin se nuk ishte pjesë e strukturave. Qytetarët në protestë kërkojnë largimin e dyshes Rama-Berisha, si dy figura që kanë dominuar skenën politike për më shumë se 35 vite.

K.B/Shqiptarja.com

Ora 20:05
Sindikatat e pavarurave të Shqipërisë lajmërojnë nesër protestë te ministria e Financave, Ilir Xhemalaj: S’ka ekonomi të fortë e qytetarë të varfër

 

Ilir Xhemalaj, përfaqësues i sindikatave të pavarura të Shqipërisë lajmëroi ditën e nesërme protestë në orën 10:00 përpara ministrisë së Ekonomisë e Financave, duke i bërë thirrje qytetarëve për t’iu bashkuar.

“Sot kam një thirrje për çdo punëtor, pensionist, çdo të ri e qytetar të ndershëm. Në sindikatat shqiptare, nuk e kam për ato që janë lëpirë me shtetin për 36 vjet, e kam për sindikatat e reja të cilat nesër do të mblidhen përpara Ministrisë së Financave për të protestuar. Ju ftoj të jeni me ne.

Nesër proteston Shqipëria që punon, punëtori që zgjohet para lindjes së diellit dhe mezi e mbyll muajin. Pensionisti që pas një jete pune, numëron ato qindarkat përpara farmacisë për të blerë ilaçet. Proteston i riu që punon, por nuk arrin të blejë një shtëpi për familjen e nuk ndërton dot një familje.

Kur punëtori varfërohet nga puna e tij, ka diçka që nuk shkon. Nuk ka ekonomi të fortë dhe qytetarë të varfër. Nuk kërkojmë privilegje, vetëm dinjitet që të punojmë në vendin tonë dhe të rrisim fëmijët në vendin tonë.

Një vend nuk mbahet në këmbë nga lëmosha që këta pushtetarë i japin çdo punëtori. Një vend mbahet në këmbë nga punëtorët. Prandaj sot ftoj qytetarët që të bashkohen me protestën e sindikatave në orën 10:00. Askush nuk del për karrige e politikë, vetëm për dinjitetin tonë”, tha Ilir Xhemalaj.

K.B/Shqiptarja.com

Ora 19:54
Organizatorët e protestave shpalosin listën me kërkesat drejtuar Ramës, dorëheqje, kufizim të mandatit të kryeministrit e qeveri teknike

 

Grupi organizator i protestës ka dalë me kërkesat e plota drejtuar qeverisë me në krye kryeministrit Edi Rama.

“Sot jam autorizuar nga grupi koordinues i protestës. Në emër të grupit koordinues, duke dëgjuar propozimet e sovranit, dalim sot para jush me këtë deklaratë për të sqaruar protestuesit dhe gjithë bashkëkombasit se kjo protestë kërkon:

1. Dorëheqjen e panegociueshme të kryeministrit dhe qeverisë.

2. Krijimin e një qeverie teknike dhe tranzitore, jopartiake dhe me mandat 12-mujor.

3. Ndryshime kushtetuese ku të gjithë shtetasit shqiptarë të jenë të barabartë përpara ligjit dhe miratimin me referendum popullor, duke përfshirë:

* ndryshimin e Kodit Zgjedhor;

* ndryshimin e ligjit për financimin e partive politike dhe organizatave të ndryshme;

* kufizimin e ushtrimit të detyrës së kryeministrit në jo më shumë se 2 mandate të plota ose të pjesshme gjatë gjithë jetës së një individi.

Nuk heqim dorë nga kërkesat fillestare:

* Anulimin e ndryshimeve të bëra për zonat e mbrojtura.

* Anulimin e ndryshimeve të bëra në ligjin për trashëgiminë kulturore.

* Shfuqizimin e paketës ligjore të njohur si “Pakti i Maleve”.

* Shfuqizimin e statusit dhe kuadrit ligjor për investimet strategjike.

* Një kontratë e re sociale mes qytetarëve dhe shtetit, që do të përpilohet pas konsultimit me intelektualë, ekspertë teknikë dhe qytetarë apartiakë të propozuar nga sheshi i protestës.

Këto janë kërkesat tona, legjitime dhe të panegociueshme. Mbetemi të vendosur në rrugën e protestës paqësore deri në realizimin e tyre”, janë kërkesat.

K.B/Shqiptarja.com