Dritan Goxhaj, personi që sot u shfaq në protestë në emër të grupit koordinues është një emër më dritëhije të shumta. Me një të kaluar të veshur me lavdinë e pjesëmarrjes në luftën e UÇK-së në Kosovë, aktualisht ai shfaqet si një ekstremist islamik, antisemit dhe antiamerikan që e quan Izraelin shtet terrorist, duke glorifikuar Iranin dhe Hezbollahun. 

***

Në vitin 1999 Dritan Goxhaj, oficer i ushtrisë shqiptare në shkollën e aviacionit, iu bashkua UÇK-së me të cilën ishte rreshtuar dhe babai i tij, po ashtu një ushtarak. Në 31 korrik të vitit 2023, reflektorët e mediave ranë mbi Dritan Goxhajt, pas arrestimit të tij për llogari të Gjykatës speciale të Kosovës e cila kërkonte ekstradimin e tij në Hagë pasi e akuzon se ka nxjerrë emrat e dëshmitarëve në disa çështje të hapura më parë nga Prokuroria Speciale e Kosovës.

Përmes një letër porosie, autoritetet e Kosovës informuan palën shqiptare se ndaj tij ka nisur një procedim penal, për kryerjen e veprave penale “Frikësimi gjatë procedurës penale" dhe "Pengimi i personit zyrtar në kryerjen e detyrave zyrtare", parashikuar nga legjislacioni penal i Republikës së Kosovës. Por Goxhaj i shpëtoi ekstradimit. Ai u lirua nga Gjykata e Apelit dhe në korrik të vitit 2024 Gjykata e lartë refuzoi kërkesën e Gjykatës special të Kosovës.

Që nga lufta në krah të UÇk-ës, Goxhaj rezulton të ketë pësuar një transformim të frikshëm, duke shfaqur profilin e një ekstremisti antisemit, dhe të një mbështetësi të hapur të Iranit por dhe të Hezbollahut. Në Facebook-un e tij janë 11 shkrime në mbrojtje të goditjeve që Irani po i jep shteteve të Bashkuara dhe Izraelit, duke glorifikuar strategjinë ushtarake dhe rezistencën e shtetit islamik.

Ai po ashtu ngre lart atë që e quan aleanca strategjike mes Iranit-Rusisë dhe Kinës që sic shkruan, por vepron “si bllok kundër hegjemonisë perendimore që e njohim si një trekëndësh tjetër po më i vjetër- Amerikë, Europë, Japoni -  e njohur ndryshe si Triada”.

Nuk mungojnë dhe shkrimet në mbështetje të Hezbollahut, e konsideruar një organizatë terroriste nga Shtete e Bashkuara, e po ashtu dhe nga BE-ja, krahu ushtrak i saj. Goxhaj në postimet e tij të gjata në Facebook, flet me superlativa për aftësitë ushtarake dhe goditet vdekjeprurëse që po i shkakton Izraelit. Ai justifikon veprimet e Hezbollahut duke e paraqitur organizatën si "rezistencë të armatosur" dhe duke argumentuar se lufta e saj kundër Izraelit është një formë mbijetese.

“Pamvarësisth se pushtuesi ka superioritet në ajër dhe kjo do të thotë që arrin të kontrollojë terrenin në aspektin e zbulimit, sërish Hezbollah ka treguar se ka kapacitete të fuqishme të zbulimit si dhe aftësi të mëdha manovrimi të forcave të veta pa u diktuar nga pushtuesi.

Dhe pamvarësisht kësaj lufte çlirimtare, Hezbollah po vazhdon edhe një kooperim të nivelit strategjik dhe operacional me Iranin në kuadër të goditjes së koordinuar të objektivave të karakterit strategjik në Izrael.

Ky kooperim po shërben jo vetëm për dobësimin ushtarak të koloniziatorëve izraelit, por edhe për izolimin e tyre politik”, shkruante Goxhaj më 1 prill.

Postim i Dritan Goxhaj duke mbrojtur Hezbollahun

Që në krye të herës, kur nisën protestat para kryeministrisë, Edi Rama pati deklaruar se financohen nga shtete të huaja dhe konkurrente me Shqipërinë. Për herë të parë përfshirjen e Iranit e përmendi nga Tivati, ku mori pjesë në samitin BE-Ballkani Perëndimor, dhe jo rastësisht. Vetë Goxhaj rreshtohet krah Iranit në një seri postimesh, duke mbrojtur strategjinë ushtarake të Teheranit dhe argumenton se goditjet ndaj bazave amerikane në rajon synojnë të rrëzojnë atë që ai e quan "arkitekturën amerikano-izraelite të dominimit".

“Për të kuptuar më qartë shkallën ë shkatërrimit që Irani po i bën Amerikës në këtë rajon duhet më parë të shohim se cili është gurthemeli fuqisë amerikane në rajon”, shkruante Goxhaj.

Postim i Dritan Goxhajt pro Iranit

Në postime të tjera, Goxhaj e përshkruan Izraelin si “shtet kolonialist” dhe “pushtues”, ndërsa e konsideron rezistencën e armatosur të Hezbollahut si të vetmen mënyrë për t’i bërë ballë politikave izraelite në rajon.

Në mbledhjen e grupit të PS, kryeministri Edi Rama tha se janë identifikuar ata protestues që vijnë nga Irani, shtet të cilin Shqipëria e ka shpallur sponsor të terrorizmit. Qeveria ka ndërprerë marrëdhëniet diplomatike, pas sulmeve kibernetike që Irani ka organizuar herë pas here ndaj vendit tonë.