POP 5

Lajmet më të lexuara të 5 minutave të fundit

Prej vitesh në degradim, shembet ura e dërrasës në Kalanë e Lezhës! Përgjegjësi: Dëshmi e mungesës së gjatë të investimeve

Ura e këmbësorëve në hyrje të kalasë së Lezhës është shembur duke vështirësuar lëvizjen e turistëve. Prej vitesh monumenti po shkon drejt degradimit pasi mungojnë dhe ndriçimi e sinjalistika. Është premtuar restaurimi me fondet e BE-së por nuk dihet kur nis zbatimi, thotë përgjegjësi i kalasë mesjetare.

Kjo urë druri që mundësonte kalimin e vizitorëve në Kalanë e Lezhës nuk ekziston më. Ajo është e fundit që u shemb si një dëshmi e mungesë së gjatë të investimeve në një prej monumenteve të rëndësishme të trashëgimisë. 

"Problematikë është rruga që të sjell nga qyteti në Kala, madje ai segment rruge me kalldrëm ka filluar të degradojë. Problem tjetër është rindërtimi i urës, sepse ura ishte ndërtuar në vitin 2012 ishte ure prej druri me dërrasa të cilat u kalbën", tha Ded Margjoni, përgjrgjësi i kalasë.

Për të mbërritur në Kalanë Mesjetare duhet të përshkosh një rrugë automobilistike të ngushtë dhe pa standarde afro 1.8 kilometra nga qendra e Lezhës. Në këtë segment mund të kalojnë vetëm veturat dhe jo autobusët.

Ndërsa ura e drurit mundësonte kalimin e këmbësorëve nga parkimi deri në hyrje të kalasë. Në mungesë të saj, vizitorëve u kërkohet të tregojnë kujdes për të mos dëmtuar gurët antikë. 

Në kala prej vitesh mungojnë dhe sinjalistika e ndriçimi.

"Ka disa mangësi në tabelat orientuese janë dëmtuar nga fëmijët se kanë qenë me plastikë", tha Margjoni.

Ekziston një projekt në letër për restaurimin e Kalasë Mesjetare, por përgjegjësi i saj nuk ka informacion se kur do të nisë puna.

"Është fondi i Bashkimit Europian, i cili ka akorduar një shumë të madhe, do të bëhet rindërtimi i murit të kalasë dhe restaurime katedralja dhe kisha në Mamurras. Janë bërë projektet kanë ardhur grupe të mëdha arkitektë konstruktorë", u shpreh ai.

Mungesa e investimeve ka sjellë degradimin e për rrjedhojë rënien e numrit të turistëve.

J.GJ./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Makiwa71: 04/05/2022 17:33

    Asht e vërtetë , para një viti kam qënë në Lezhë , dhe në 10 ditë që ndejta atje 6 herë kam shkruar te kalaja me djalin se nuk e kishte vizituar kurrë nga brenda ( unë jetoj në Itali) . Kur hyp sipër e sheh peisazhin asht mrekulli,por sa të fillosh rrugën nga poshtë per sipër asht me të marr vaji.

    Përgjigju
  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

Nën dyshim për korrupsion, SPAK hetim për parfumin 3.700 lekë të një prokuroreje në Elbasan! Pushon çështjen pas një viti

Nën dyshim për korrupsion, SPAK hetim për parfumin 3.700 lekë të një prokuroreje në Elbasan! Pushon çështjen pas një viti

1 Prill, 10:58