POP 5

Lajmet më të lexuara të 5 minutave të fundit

Ekonomi

Pse u shtrenjtuan apartamentet? BSH: 1/3 e banesave u blenë nga të huajt, çmimet u rritën me 24.5% nga viti 2020

Prej vitit 2017, shtrenjtimi i apartamenteve nuk ka ndalur, thuhet në një analizë të bërë mbi këtë treg nga Banka e Shqipërisë. 1/3 e apartamenteve në Shqipëri po blihen nga të huajt e kjo sipas Bankës së Shqipërisë, ka çuar në shtrenjtimin e tyre me 24.5% nga viti 2020 deri në fund të 2023-shit. 

Tirane- Prej vitit 2017, shtrenjtimi i apartamenteve nuk ka ndalur, thuhet në një analizë të bërë mbi këtë treg nga Banka e Shqipërisë.

“Çmimet e banesave në Shqipëri janë rritur vrullshëm për rreth gjashtë vite radhazi, përpara dhe pas pandemisë”, thuhet në analizë.

Ndërkohë vetëm përgjatë 4 viteve të fundit (2020, 2021, 2022, 2023) çmimet e banesave në vend janë rritur me afro 24.5%.

Sipas analizës së bërë faktori kryesor që ka ndikuar në rritjen e çmimeve në tregun e pasurive të paluajtshme, janë blerjet e mëdha që po bëjnë shtetasit e huaj. Bazuar në raportet e bankës qendrore 1/3 e apartamenteve të shitura prej 2020-ës janë blerë nga të huaj, shumica shtetas jo rezidente në vendet e BE-së.

Një pjesë e madhe e këtyre pronave përdoren për biznese, jepen me qira, ose përdoren për shtëpi pushimi, pasi më së shumti janë blerë në bregdet.

Faktor tjetër që ka shtrenjtuar apartamentet thuhet në analizë është huaja bankare dhe normat e interesit. Duke qenë se ndërtuesit në shumë raste i drejtohen bankave për të marrë kredi në mënyrë që të bëjnë investimin, rritja e interesave ua ka shtuar kostot. Ndërkohë referuar të dhënave po të bankës rreth 50% e pronave janë blerë me kredi bankare.

Ndikim jo të vogël sipas raportit po japin edhe kostot e shtuara të ndërtimit, si dhe rritja e pagave për punonjësit.

“Ecuria e kaluar e çmimit të banesave dhe të ardhurat për frymë janë faktorët më të qenësishëm për shpjegimin e rritjes së vrullshme të çmimeve në vitet e fundit”, thuhet në analizë.

Shtrenjtimi i apartamenteve që ka përfshirë gjithë Shqipërinë, kulmon tek ndërtimet e reja në Tiranë pasi arrin deri në 4000 euro metri në zonat përreth qendrës, ndërkohë që nuk ka prona me çmim poshtë 1000 euro metri. Ky trend sipas vrojtimeve të bankës nuk pritet të ndalët as gjatë këtij viti.

Tregu Real-Estate është ndër më të preferuarit për investimet e huaja, pasi vetëm në 9-muaj të 2023-shit, u investuan në këtë sektor 222 mln euro.

ÇMIMET E APARTAMENTEVE SIPAS BANKES SE SHQIPERISE
Janar-Qershor 2020               +40%
Qershor-Dhjetor 2020         +48.6%
Janar-Qershor 2021              +6.7%
Qershor-Dhjetor 2021            + 9%
Janar-Qershor 2022            +39.2%
Qershor-Dhjetor 2022         +16.6%
Janar-Qershor 2023             +11.6%

M.Q./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • E verteta: 12/02/2024 18:52

    Vwzazhdo o Gent Seiko vazhdo te genjesh veten se ne nuk na genjen dot. Po ndonje analize se sa para informale jane perdurur per ndertimin apo per blerjen e tyre ke bere? Po stoku me mbi 50 mije ap te pashitura si e interpreton? Nuk ke turp, paraja e piset po shkateron ekonomine dhe njerezit.

    Përgjigju
  • Koci: 12/02/2024 17:07

    Se po i blejn me lek drog e ndertohen me Lek droge

    Përgjigju
  • Të pa : 12/02/2024 16:50

    Të huajt dmth shqiptarë me shtetësi të huaj. Çmimet u Ritën për shkak të inflacionit.

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Fest 63/ Zgjidhen 15 këngët finaliste! Parashqevi Simaku përshëndet nga SHBA festivalin e konkurentët: Do të doja të isha aty

Fest 63/ Zgjidhen 15 këngët finaliste! Parashqevi Simaku përshëndet nga SHBA festivalin e konkurentët: Do të doja të isha aty

22 Dhjetor, 00:42