Prelocaj sjell në Tiranë
baletin “Ekstravaganca”

Prelocaj sjell në Tiranë<br />baletin “Ekstravaganca”
Koreografi i njohur Angjelin Preljocaj do të sjell për herë të parë në Tiranë shfaqjen e tij “Ekstravaganca”.

Kjo shfaqje do të ngjitet në skenën e Teatrit të Operas dhe Baletit në datat 9,10 dhe 11 Maj.

Ajo i kushtohet dramës dhe jetës së emigrantëve. Ky balet ka shumë nga jeta e vetë Preljocaj, i dedikohet emigracionit nga Europa drejt Amerikës.

Si një artist i dimensioneve të fuqishme, shumë herë ai e shpjegon artin e tij me fjalët:“Mjetet e mia të shprehjes janë trupi, hapësira dhe koha.

Më pëlqen të mendoj për evolucionin e shoqërive tona dhe si mund të përdorim trupin për të shprehur shumë gëjra që nuk mund të thuhen me fjalë. Në një kuptim, trupi është një pasqyrim i shpirtit”.

Preljocaj kthehet në vendin e origjinës, 20 vjet pas performancës së pjesës emblematike "Dasma" në vitin 1994.

Siç njofton Ministria e Kulturës, ky fillim bashkëpunimi me nismën e Ministres së Kulturës, Mirela Kumbaro ka për qëllim forcimin e lidhjeve artistike ndërmjet Baletit Preljocaj dhe Teatrit të Operës dhe Baletit në Tiranë, jo vetëm në fushën artistike, por edhe në fushën e mësimdhënies.

Kompania Preljocaj do të zhvillojë edhe disa trajnime për kërcimtarë profesionistë, në bashkëpunim me Shkollën e Baletit dhe qendra të ndryshme kërcimi.

TKOB dhe Kompania Preljocaj do të nënshkruajnë një marrëveshje bashkëpunimi për shkëmbime artistike të ndërsjella, njofton Ministria e Kulturës e Shqipërisë.

Shkrimi u botua në numrin e sotëm të gazetës "Shqiptarja.com"
Redaksia online
(b.t/shqiptarja.com)

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit