ANGLI - Futbolli elitar anglez zhvilloi të diel tre nga ndeshjet e radhës për raundin e parë. Në 'Old Trafford' vendasit e Man. United u mposhtën 0-1 nga Arsenali, teksa Chelsea dhe Crystal Palace barazuan 0-0. Tri pikë për Nottingham. Raundi i parë mbyllet këtë të hënë me duelin Leeds - Everton në orën 21:00.

Ndeshja më e rëndësishme u zhvillua në 'Old Trafford'. Vendasit e Manchester United u mposhtën 0-1 nga Arsenali. Dueli u vendos nga goli i italianit Calafiori, por vendasit pretenduan për faull në dëm të portierit Bayindir. Krosimi nga këndorja u grushtua jo si duhet nga portieri, që më herët kishte një ngacmim nga Saliba. Megjithë protestat, goli vendosi ndeshjen. United kishte disa raste dhe duket se përforcimet e fundit janë përshtatur me grupin. Te Arsenal një zhgënjim mund të quhet forma e sulmuesit Gyokeres, i cili në 60 minuta në fushë nuk tregoi asgjë.

Në 'City Ground', Nottingham fitoi 3-1 kundër Brentford. Uood me dopietë dhe Ndoye shënuan golat për vendasit, teksa miqtë u ngushëlluan me Thiago. Ndërkohë në 'Stamford Bridge', Chelsea dhe Crystal Palace barazuan pa gola.

Premier League, raundi i parë:

E diel, 17 gusht 2025

Chelsea 0-0 Crystal Palace

Nottingham 3-1 Brentford

Manchester United 0-1 Arsenal

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera