Premier League e futbollit në Angli mbylli raundin e 35-të. Të dielën e 4 majit Liverpooli kampion i sapokurorëzuar u mposht 3-1 nga Chelsea. Manchester United u turpërua në Londër, teksa ngecën Newcastle dhe Tottenham.

Në Londër, Brentford mposhti 4-3 Manchester United duke u dhënë leksion "Djajve të Kuq". Djemtë e Amorim vinin nga një fitore 0-3 në Europa League kundër Bilbaos dhe nuk e prisnin këtë humbje, për më tepër duke kaluar të parët në epërsi me Mount pas 14 minutash lojë. Brentford përmbysi brenda pjesës së parë me autogolin e Shou dhe golin e Schade, ndërsa shënuan edhe dy gola të tjerë në fraksionin e dytë me Schade dhe Uissa. United më pas u kujtua të reagonte vonë dhe shkurtoi me Garnacho dhe Diallo për rezultatin final 4-3.

Në "Stamford Bridge" Chelsea mposhti 3-1 kampionët e sapokurorëzuar të Liverpool. Enzo Fernandez zhbllokoi shifrat në minutën e tretë, ndërsa autogoli i Quansah në pjesën e dytë i dha epërsinë e dyfishtë vendasve. Ishte van Dijk që shkurtoi për Liverpool pesë minuta nga fundi, por Palmer u tregua i saktë nga penalltia në shtesën e gjashtë për të "vulosur" shifrat në 3-1. Nisja e sfidës pa "tunelin e nderit", aty ku Chelsea priti me nderime kampionët e Liverpool.

Barazim 1-1 mes West Ham dhe Tottenham. Spurs kaloi në epërsi me Odebert, ndërsa vendasit siguruan golin e barazimit me Bouen. Nga një pikë pas barazimit 1-1 ndanë edhe Brighton dhe Newcastle. Minteh shënoi për Brighton, ndërsa Isak barazoi për miqtë.

Premier League, raundi 35-të - E diel, 4 maj 2025:

Brentford 4-3 Manchester United

Brighton 1-1 Newcastle

West Ham 1-1 Tottenham

17:30 Chelsea 3-1 Liverpool

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera