Premier League e futbollit në Angli nisi këtë të premte me raundin e 31-të. Në stadiumin "Vitality" vendasit e Bournemouth ia dolën të merrnin një pikë duke ndalur 2-2 Manchester United.

Ndeshja nisi me miqtë më kërkues, por Casemiro dhe Bruno nuk mundën të shfrytëzonin rastet që u paraqitën brenda pjesës së parë. Duhej minuta e 61-të që 'Djajtë e Kuq' të gjenin epërsinë me penalltinë e kthyer në gol nga kapiteni Bruno Fernandes. Vetëm gjashtë minuta më pas ishte Ryan Christie që barazoi shifrat për 1-1. Minuta e 72-të solli golin e dytë për United, me James Hill që shënoi në portën e tij.

Kur u duke se Man. United do shkonte te tri pikët, Harry Maguire katranosi gjithçka dhe shkaktoi 11 metërsh në minutën e 81-të, duke dalë edhe me karton të kuq si futbollisti që bëri ndërhyrjen e fundit. Nga pika e bardhë e 11 metërshit ishte Eli Junior Kroupi që barazoi shifrat për 2-2, duke bërë që skuadrat të ndanin pikët.

Me 55 pikë Man. United mbetet në vendin e tretë, ndërsa Bournemouth me 42 pikë ngjitet në pozitën e 10-të në Premier League.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Mars, 13:11

    Qeveria rikthen Bordin për naftën, a besoni se do mbahen çmimet nën kontroll?

Lajme të tjera