ANGLI - Java e fundit e Premier League dhuroi emocione të forta dhe verdikte dramatike të dielën, duke mbyllur një sezon spektakolar në futbollin anglez.

Pas plot 22 vitesh pritje, Arsenali u shpall kampion i Anglisë, duke rikthyer festën te tifozët londinezë. 'Topçinjtë' e kishin siguruar titullin kampion një javë më parë, por sërish fituan 1-2 në transfertë ndaj Crystal Palace.

Në Champions League sezonin e ardhshëm do të marrin pjesë edhe Manchester City, Manchester United, Aston Villa dhe Liverpool.

Një nga momentet më prekëse të javës ishte humbja 1-2 e Manchester City ndaj Aston Villas, sfidë që shënoi edhe fundin e epokës së Pep Guardiolës te “Qytetarët”. Trajneri spanjoll i dha lamtumirën klubit pas 10 sezonesh të mbushura me trofe dhe emocione. Ndeshja ishte e fundit edhe për Bernardo Silvën dhe John Stones, me tifozët që rezervuan ovacione dhe lot për tre figurat emblemë të këtyre viteve. Edhe Salah e kishte ndeshjen e fundit te Liverpooli, me egjiptianin që u pa i prekur.

Në garën për Evropën, surpriza më e madhe erdhi nga Bournemouthi dhe Sunderlandi, të cilat siguruan për herë të parë në histori pjesëmarrjen në Europa League. Ekipi ku aktivizohet Granit Xhaka triumfoi 2-1 ndaj Chelseat në sfidën e fundit të sezonit.

Ndërkohë, Brighton, pavarësisht humbjes 0-3 ndaj Manchester United, siguroi një vend në Conference League. Tetë klube angleze do të luajnë në Evropë edicionin e ardhshëm, me shanset që janë për nëntë klube nëse Palace fiton Conference League në finalen kundër Vallecanos.

Sezoni rezultoi katastrofik për Chelsean, që e mbylli kampionatin vetëm në vendin e 10-të, duke mbetur jashtë kupave europiane.

Dramë pati edhe në fundin e tabelës. Pas Wolves dhe Burnleyt, skuadra e tretë që u rrëzua nga kategoria ishte West Hami. Londinezët rikthehen në Championship për herë të parë që nga sezoni 2011-12.

Nga ana tjetër, Tottenhami arriti të shpëtojë sezonin në momentet e fundit, falë fitores minimale 1-0 ndaj Evertonit, duke siguruar qëndrimin në elitën e futbollit anglez.

Renditja e sezonit 2025-26:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Maj, 22:10

    Si ju duket rizgjedhja e Berishës në krye të PD pa garë?

Lajme të tjera