/ATSH/- Aksion, komedi, aventurë, romancë dhe plot zhanre të tjerë do të vijnë gjatë fundjavave në vazhdim, si premiera të vitit 2015 në ekranin e madh dhe magjik të kinemave në vend.

Gjatë muajit janar, filmat si "The Wedding Ringer" (15 janar), "Amanet" (21 janar), "Whiplashed" (22 janar), "Mortdecai" (29 janar) do të jenë filmat premierë që Kinema Millenium do të shfaqë në sallat e saj në kryeqytet.

Ndërkohë që rrjeti i Kinemave Imperial, prezantohet gjatë janarit përpara publikut me 2 tituj filmash si "The Wedding Ringer" (15 janar), si dhe serinë e gjatë të filmit 3D - Big Hero 6.