Orges Shehi feston 100 ndeshje në krye të pankinës së Tiranës. Trajneri durrsak ka "thyer" padurimin e presidentëve të Superligës, duke merituar një fanellë me numrin 100 mbi shpinë. I ulur në stolin e bardhebluve të kryeqytetit në 27 janarin e 2021, 45-vjeçari po bën mirë si në kohën kur ishte mes shtyllave në futbollin aktiv.

Gjatë 100 ndeshjeve me Tiranën, Shehi numëron 55 fitore, 24 humbje dhe 19 barazime. Durrsaku e festoi ndeshjen e 100-të në krye të Tiranës me fitoren 2-1 kundër Egnatias për javën e 29-të në Superligë, me të tijtë që mbajnë kreun e klasifikimit dhe shkëputen me pesë pikë nga Partizani ndjekës.

"Trajneri Orges Shehi drejtoi dje ndeshjen e tij të 100 me KF Tiranën. Kreu i pankinës bardhebu shënon 55 fitore, 19 barazime dhe 24 humbje, mbi të gjitha dy trofe të fituara nën drejtimin e tij", shkruan klubi bardheblu.

Nën drejtimin e Shehit, Tirana u shpall sezonin e shkuar kampione e Superligës duke mbajtur ende trofeun. Veç saj, Tirana është kampione në fuqi edhe e Superkupës. Forma e mirë e skuadrës mund të sjellë që në javët e ardhshme palët të rinovojnë kontratën.

Edhe njëherë qetësia e trajnerit Shehi duket si një leksion për futbollin shqiptar dhe padurimin e presidentëve të Superligës për t'i lënë kohë teknikëve në arritjen e rezultateve.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nasi gjymi: 17/04/2023 15:25

    55+24+19=98 Dy ndeshjet qe mungojne u anulluan??????????

    Përgjigju
  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera