Presidenti, Berisha s'jep emër:
Nesër negociatat me aleatët

TIRANE- Kryesia e PD nuk ka dalë me asnjë emër konkret si kandidat për President, ndryshe nga sa pritej. Mbledhja ka zgjatur vetëm 40 minuta gjatë të cilëve kryeministri Berisha, ka folur mbi kriteret që duhet të përmbushë kandidati, mënyrën se si duhet të zhvillohet procesi, ndërsa është përcaktuar edhe ekipi që do të negocioje. Në përbërje të tij janë kreu i PD, Berisha, nënkryetari i kësaj partie, Astrit Patozi si dhe anëtari i kryesisë së kësaj partie, Edmond Spaho. Berisha ka zbuluar se prej ditës së nesërme do të nisin negociatat dhe konsultimet me aleatët.

" Etja presidenciale është sëmundje, ndërsa ëndrra presidenciale është fisnike,ndaj procesi i zgjedhjes së Presidentit duhet të jetë i negociueshëm. Nesër nisim takimet e para me aleatët dhe ato do të zhvillohen në sallën e Kuvendit dhe jo në ambjente të tjera"- theksoi gjatë mbledhjes së kryesisë së PD, kryeministri Berisha.
(jd/shqiptarja.com)

/Shqiptarja.com