Koreja e Jugut është zhytur në pasiguri politike pas shpalljes së gjëndjes së jashtëzakonshme ushtarake (shtetrrethim) nga presidenti Yoon Suk-yeol, në një fjalim publik befasues natën vonë të martës (3 dhjetor).
Presidenti i Koresë së Jugut hpalli gjendjen e jashtëzakonshme ushtarake, pasi e konsideroi të nevojshme për të mbrojtur vendin nga forcat komuniste të Koresë së Veriut dhe për të eliminuar elementët kundër shtetit.
Ai u zotua të çrrënjosë "forcat e paturpshme anti-shtetërore pro-koreane të Veriut" dhe tha se nuk kishte zgjidhje tjetër veçse të merrte masën për të mbrojtur rendin kushtetues.
“Për të ruajtur Korenë e Jugut si një shtet të lirë dhe për të eliminuar elementët anti-shtetërorë filo-veriorë që kërcënojnë lirinë e popullit tonë, shpall ligjin ushtarak emergjent,” deklaroi presidenti.
Por deputetët që u mblodhën në parlamentin e Koresë së Jugut votuan njëzëri për të bllokuar dekretin e tij. Sipas Kushtetutës, presidenti ka të drejtë të shpallë ligjin ushtarak në rast lufte ose emergjence kombëtare, por duhet ta anulojë atë nëse Asambleja Kombëtare voton për shfuqizimin e tij.
Yoon tha se masa ishte e nevojshme për të mbrojtur vendin nga "forcat komuniste" në Korenë e Veriut. Vendimi i tij vjen pasi opozita kryesore Partia Demokratike ka tentuar vazhdimisht të fajësojë zyrtarët e qeverisë, gjë që Yoon thotë se ka paralizuar qeverinë.
Pamjet e publikuara në media tregojnë si anëtarët e parlamentit të Koresë së Jugut por dhe demonstrues përleshen me autoritetet jashtë ndërtesës së Asamblesë Kombëtare të vendit në Seul teksa tentonin të hynin.
Është hera e parë që nga viti 1980 që shpallet ligji i jashtëzakonshëm ushtarak në Korenë e Jugut.
Shtetet e Bashkuara janë në kontakt me qeverinë e Koresë së Jugut dhe po monitorojnë situatën nga afër, tha një zëdhënës i Shtëpisë së Bardhë. Rreth 28,500 trupa amerikane janë vendosur në Korenë e Jugut për t'u mbrojtur kundër Phenianit. \
Lajmi në përditësim...
Përballë presionit politik, presidenti i Koresë së Jugut, Yoon Suk-yeol, ka shpallur ligjin e shtetrrethimit në vendin demokratik për herë të parë pas më shumë se 50 vitesh, duke nxitur protesta pranë ndërtesës së parlamentit.
Deklarata e bërë vonë natën – në orën 23:00 me orën lokale (14:00 GMT) – bëri që qytetarët të mendonin menjëherë se bëhej fjalë për një çështje që lidhej me Korenë e Veriut, fqinjën bërthamore të Jugut, ose për një situatë kritike të sigurisë kombëtare, si një akt terrorizmi apo grusht shteti.
Megjithatë, shumë shpejt u bë e qartë se Yoon kishte ndërmarrë këtë veprim drastik si përgjigje ndaj një sërë ngjarjesh politike.
Pasi humbi kontrollin e parlamentit më herët gjatë vitit, qeveria e tij ishte përballur me një seri projektreformash dhe mocionesh të opozitës që synonin minimin e pushtetit të tij. Vëzhguesit politikë thonë se Yoon tani është detyruar të përdorë ligjin e shtetrrethimit – një sundim i përkohshëm ushtarak – si një taktikë jodemokratike për t’u mbrojtur nga sulmet politike.
Cili ishte reagimi i menjëhershëm?
Të martën, udhëheqësit e opozitës dënuan menjëherë këtë veprim si antikushtetues.
Lideri i partisë kryesore të opozitës, Lee Jae-myung, u bëri thirrje deputetëve të Partisë Demokratike të mblidhen në parlament të martën mbrëma për të votuar kundër shpalljes së shtetrrethimit.
Por në Seul, autobusat e policisë ishin vendosur tashmë për të bllokuar hyrjen në ndërtesën e parlamentit, siç raportuan mediat lokale.
Megjithatë, protestuesit nxituan drejt ndërtesës së Asamblesë Kombëtare, duke protestuar dhe duke thirrur: “Jo shtetrrethim! Jo shtetrrethim!”. Ata u përplasën me radhët e policisë që ruanin ndërtesën.
Sa i rëndësishëm është ligji i shtetrrethimit?
Ligji i shtetrrethimit është një sundim i përkohshëm nga autoritetet ushtarake në një kohë emergjence, kur autoritetet civile konsiderohen të paafta për të funksionuar.
Hera e fundit që u shpall në Korenë e Jugut ishte në vitin 1979, kur një president afatgjatë u vra gjatë një grushti shteti. Që nga vendosja e demokracisë parlamentare në vitin 1987, nuk është shpallur më.
Por të martën, Yoon e bëri këtë deklaratë në një fjalim kombëtar, duke thënë se po vendoste sundimin ushtarak për shkak të një kërcënimi nga “forcat kundër shtetit”.
Nën ligjin e shtetrrethimit, ushtria merr kompetenca të veçanta dhe mund të pezullohen mbrojtjet dhe procedurat e zakonshme ligjore.
Cili është konteksti politik?
Që nga zgjedhjet e përgjithshme të prillit, Yoon ka qenë një president i dobësuar, pasi opozita fitoi një shumicë dërrmuese. Qeveria e tij nuk ka qenë në gjendje të miratojë ligjet që dëshironte dhe është reduktuar në përdorimin e vetos kundër ligjeve të miratuara nga opozita.
Popullariteti i tij ka rënë ndjeshëm, pasi është përfshirë në disa skandale korrupsioni dhe ndikimi politik – përfshirë një rast që përfshin Zonjën e Parë dhe pranimin e një çante Dior, si dhe një tjetër për manipulim aksionesh.
Muajin e kaluar, Yoon u detyrua të kërkonte falje publikisht, duke deklaruar se po krijonte një zyrë për të mbikëqyrur detyrat e Zonjës së Parë. Megjithatë, ai refuzoi një hetim më të gjerë ose të pavarur, siç kishte kërkuar opozita.
Këtë javë, opozita propozoi uljen e buxheteve të qeverisë – dhe një ligj për buxhetin nuk mund të vetohet. Në të njëjtën kohë, opozita kërkoi shkarkimin e anëtarëve të kabinetit, përfshirë kreun e agjencisë së auditimit, për moshetimin e Zonjës së Parë.
Çfarë ndodh tani?
Deklarata e Yoon-it zuri shumë njerëz në befasi – situata po zhvillohet me shpejtësi.
Opozita politike u ka bërë thirrje qytetarëve të protestojnë paqësisht para parlamentit – demonstratat masive paqësore janë të zakonshme në Korenë e Jugut dhe kanë qenë efektive në ndryshimin e qeverive më parë.
Partia kryesore opozitare, Partia Demokratike, të martën mbrëma kërkoi që të gjithë ligjvënësit e saj të mblidhen në Asamblenë Kombëtare. Sipas ligjit korean, qeveria duhet të heqë ligjin e shtetrrethimit nëse shumica në parlament – Asamblenë Kombëtare – e kërkon këtë përmes një votimi. Po ashtu, ligji ndalon komandën e shtetrrethimit të arrestojë ligjvënësit.
Megjithatë, autobusët e policisë janë vendosur tashmë përpara ndërtesës, duke u parë si një barrikadë për të ndaluar ligjvënësit të hyjnë në asamble.
Gjithashtu ka përçarje brenda partisë së Yoon-it, Partisë së Fuqisë së Popullit. Lideri i saj, Han Dong-hoon, e ka quajtur shpalljen e ligjit të shtetrrethimit një veprim të “gabuar”, raporton agjencia Yonhap. Ai është zotuar ta bllokojë këtë ligj./ BBC
Ushtarët largohet Parlamentit në Korenë e Jugut
Kryetari i Asamblesë Kombëtare sapo ka deklaruar se trupat e Koresë së Jugut po largohen nga ndërtesa e Parlamentit, siç raporton agjencia e lajmeve Yonhap. Ushtarët kishin hyrë në ndërtesë pak pasi presidenti shpalli gjendjen ushtarake.
Lee Seong-yoon, nga partia kryesore opozitare e Koresë së Jugut, foli për BBC nga salla kryesore e asamblesë ndërsa priste fillimin e votimit.
Ai tha se duhej të ngjitej mbi një gardh 1.5 metra të lartë për të hyrë në asamble, sepse policia e bllokoi, edhe pse kishte një dokument që vërtetonte se ishte deputet.
“Jo ligjit ushtarak”, “të rrëzojmë diktaturën” dhe “hapim portën”, thërrasin protestuesit e mbledhur jashtë Parlamentit në Korenë e Jugut, hyrja e së cilës është bllokuar nga policia dhe ushtria.
Woo Son-shik
Kryetari i Asamblesë Kombëtare të Koresë së Jugut, Woo Son-shik, e shpalli ligjin ushtarak të shpallur nga presidenti, Yoon Suk Yeol, "të pavlefshëm" pasi shumica e deputetëve miratuan një rezolutë që kërkonte revokimin e tij.
Sipas New York Times, ligjvënësit duartrokitën kur Woo bëri thirrje që ushtarët dhe policët të largoheshin nga kompleksi i Kuvendit.
Parlamenti i Koresë së Jugut ka miratuar, me 190 nga 300 anëtarët e tij të pranishëm, një mocion që kërkon revokimin e ligjit të shtetrrethimit të shpallur nga presidenti Yoon.
Sipas ligjit koreano-jugor, qeveria është e detyruar ta revokojë shtetrrethimin nëse shumica e Asamblesë Kombëtare e kërkon këtë përmes një votimi. Gjithashtu, komandës së shtetrrethimit i ndalohet të arrestojë deputetët.
Parlamenti në Korenë e Jugut
Kreu i ushtrisë, Park An-su, është emëruar komandant i ligjit të shtetrrethimit, i shpallur në orët e vona nga presidenti i Koresë së Jugut, Yoon Suk-yeol. Sipas agjencisë Yonhap, Park ka ndërmarrë masat e para duke ndaluar aktivitetet e Parlamentit dhe të partive politike.
Kjo ka pasuar me përleshje mes policisë, opozitës edhe qytetarëve në mbështetje të kësaj të fundit.
Rreth 70 anëtarë të partisë kryesore opozitare ndodhen brenda Asamblesë Kombëtare, ndërsa të tjerët janë mbledhur jashtë.
Deputeti Hong Kee-ëon konfirmoi për BBC se, sapo të mbërrijë kryetari i Asamblesë, Ëoo Ëon-shik, do të kërkojë një votim për të anuluar ligjin e shtetrrethimit.
Hong shtoi se brenda ndërtesës ndodhen edhe ushtarë të forcave speciale.
Lajme të tjera
-
SHBA, Japonia dhe Koreja e Jugut koordinojnë përgjigjen ndaj kërcënimeve të Phenianit
16 Nëntor, 19:10 -
Analiza: A do të mposhten trupat e dërrmuara ukrainase nga ushtarët koreanoveriorë?
9 Nëntor, 17:48 -
Seuli paralajmëron se do ta godiste Phenianin në rast të një sulmi bërthamor
8 Nëntor, 15:23 -
Kievi: 7 mijë ushtarë të Koresë së Veriut po vijnë drejt territorit tonë
2 Nëntor, 16:12 -
Lufta në Ukrainë/ Korea e Jugut nuk përjashton mundësinë e dërgimit të raketave Hawk në Kiev! Zelensky - Perëndimit: Na lejoni sulmet thellë brenda Rusisë
31 Tetor, 17:36 -
Lufta në Ukrainë/ 11 mijë ushtarë të Koresë së Veriut janë dislokuar në Rusi, fillojnë të mësojnë gjuhën
30 Tetor, 22:32 -
Ukraina/ Zelensky anulon vizitën e Guterres në Kiev pas takimit me Putin! SHBA për koreano-veriorët në Rusi: Tregon dëshpërimin e Putin
25 Tetor, 16:51 -
Kim Jong Un kërcënon me përdorimin e armëve bërthamore kundër SHBA-së dhe Koresë së Jugut
8 Tetor, 10:14 -
Paris 2024/ Mungesa e kushteve, Koreja e Jugut largon gjashtë atletë nga Fshati Olimpik
27 Korrik, 09:39 -
Koreja e Veriut dënon deklaratën e samitit të NATO-s
13 Korrik, 17:32 -
Vladimir Putin mbërrin në Korenë e Veriut, pritet nga diktatori Kim Jong Un! Ja agjenda
18 Qershor, 21:11 -
Pas 24 vitesh Putin do të vizitojë Korenë e Veriut
17 Qershor, 16:56
