Presidenti Ilir Meta dekreton ligjin për mbylljen e lojërave të fatit

Presidenti Ilir Meta

TIRANË-Presidenti Ilir Meta ka dekretuar ditën e sotme ligjin e miratuar pak ditë më parë nga qeveria për mbylljen e lojërave të fatit në datë 31 dhjetor të këtij viti. Ligji për mbylljen e të gjitha lojërave të fatit u votua me 75 vota në datë 25 tetor nga shumica, ndërsa opozita nuk ishte e pranishme në Kuvend, pasi vijon bojkotin, që në nisje të këtij sesioni. Ligji parashikon mbylljen e pikave të basteve dhe zhvendosjen e kazinove jashtë qendrave të banuara.

Ky dekretim nga presidenti Meta i një ligji të miratuar vetëm me votat e maxhorancës, vjen në një kohë kur kreu i shtetit vijon mos të dekretojë Sandër Lleshin si ministër i punëve të Brendshme. Disa ditë më parë në kulmin e përplasjes mes presidencës dhe qeverisë presidenti Meta bëri një tjetër lëvizje duke dekretuar Helidon Bendon si kreun e SHISH, propozim i kryeministrit Rama që ndodhej në sirtarin e Presidencës që prej një viti.

Dekreti i Presidentit Ilir Meta

  • Sondazhi i ditës:

    Ngjarjet në Fier e Fushë Krujë, a jeni të shqetësuar nga situata e rendit dhe sigurisë publike?

Komento


×

Lajmi i fundit

John

Më shumë se paratë, dyshohej vjedhja e dokumenteve, çfarë thoshte biznesmeni i dhunuar Nazmi Çangu për fajdet? Dëshmitë mbi ‘borxhet’ e Ylvi Beqjes