Presidenti Meta e nis ditën ndryshe: Vendi ka nevojë për më shumë familje të shëndosha

Presidenti Ilit Meta e ka nisur ditën e sotme me një urim në ditën ndërkombëtare të familjes. Ai vë theksin se sa e rëndësishme është një familje e shëndoshë në një shoqëri. Në një kohë kur INSTAT ka publikuar raportin që tregon një të vërtetë shumë të hidhur, sipas së cilës, numri i lindjeve po shkon drejt barazimit me vdekjet, kreu i qeverisë shkruan se vendi ka më shumë nevojë për fëmijë, për një të ardhme më të mirë.

"Gëzuar Ditën Ndërkombëtare të Familjes! Një familje e lumtur, solide, në mirëqenie dhe paqe brenda saj, ka vlera të jashtëzakonshme për zhvillimin e begatinë e shoqërisë, atdheut e kombit tonë. E mbështes fuqimisht forcimin e rolit dhe vlerave të familjes, si dhe do vijoj të promovoj mbajtjen shëndoshë të saj. Vendi ka nevojë për më shumë familje të reja e të qëndrueshme, për më shumë fëmijë dhe kushte më të mira për mirërritjen dhe edukimin e tyre, për politika më konkrete sociale dhe ekonomike në këto drejtime. Falënderoj udhëheqësit e besimeve tona fetare për përpjekjet e tyre të vazhdueshme për të forcuar vlerat e familjes. Zoti i bekoftë familjet tuaja", shkruan Meta.

B.K./Shqiptarja.com

TAG:
• Ilir Meta
• dita nderkombetare e familjes