Presidenti Meta përcakton datën, më 4 dhjetor hidhet shorti për KED-në e re

Presidenti Meta përcakton datën, më 4 dhjetor hidhet shorti për KED-në e re

Foto nga një short i mëparshëm për KED në Presidencë

Presidenti i Republikës Ilir Meta ka përcaktuar datën 4 dhjetor për të hedhur shortin për zgjedhjen e anëtarëve të Këshillit të Emërimeve në Drejtësi (KED), që do të funksionojë përgjatë vitit 2021.

Në njoftimin e shpërndarë për mediat Presidenca bën me dije se është “parashikuar që, momenti i hedhjes së shortit të ketë mbulimin e nevojshëm mediatik, si dhe ka marrë të gjitha masat që ky proces t’i nënshtrohet plotësisht parimeve të transparencës, gjurmueshmërisë dhe monitorimit, dhe të bëhet e mundur ndjekja live dhe në kohë reale e procesit”.

Presidenti Meta njofton Avokatin e Popullit që të jetë i pranishëm në proces. Gjithashtu në njoftimin e Presidencës bëhet me dije duke mbajtur në konsideratë nevojën për respektimin e protokolleve shëndetësore dhe rregullave për shkak të situatës pandemike Covid-19, Presidenti i Republikës fton Gjykatën Kushtetuese, Këshillin e Lartë Gjyqësor dhe Këshillin e Lartë të Prokurorisë, të jenë të pranishëm në momentin e hedhjes së shortit përmes një përfaqësuesi të caktuar prej tyre.

Këshilli i Emërime në Drejtësi është institucion kyç për ecurinë e procesit të bërjes funksionale të Gjykatës Kushtetuese.

Kujtojmë se pak ditë më parë ambasadorët e SHBA-së dhe BE-së, Yuri Kim dhe Luigi Soreca, kanë zhvilluar një takim me kreun aktual të e Këshillit të Emërimeve në Drejtësi, Vitore Tusha. Theksi është vendosur tek domosdoshmëria që Gjykata Kushtetuese të jetë funksionale brenda 31 dhjetorit.

 

\

Njoftimi i Presidencës

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Xabi Alonso drejt rinovimit, Liverpool hedh sytë te trajneri portugez

Xabi Alonso drejt rinovimit, Liverpool hedh sytë te trajneri portugez