Presidenti i Interit Massimo Moratti është gati që të shesë një pjesë të aksioneve të ekipit.

Bosi zikaltër do të takohet me Erick Thohir për të diskutuar për futjen e indonezianit në brendësi të skuadrës zikaltër.

“Sky Sport” shkruan se Thohir do të blejë 40% të aksioneve të Interit, duke i lënë kështu drejtimin Morattit, i cili nuk duket të jetë akoma gati të lërë përfundimisht kontrollin e shoqërisë zikaltër në duar të tjera.

Ndryshimi i një pjese të pronësisë do të bëjë që merkato të jetë e nxehtë për Interin, pasi priten disa afrime cilësore për të mbushur boshllëqet e fundit.



d.b/shqiptarja.com