TIRANE- Kryeministri Berisha ka hequr dorë nga kandidatura e kryetares së Kuvendit, njëherësh nënkryetare e PD për ta futur në garë si Presidente të Republikës jo për shkak të dëshirës së tij për të pasur një president konsensual, pasi atë se kishte në mendje që në fillim, pavarësisht kandidatëve jopolitikë që hodhi në treg.

Gazeta Shqiptarja.com shkruan sot se shkaku i vërtetë ka qënë se informacioni i fundit që kishte mbërritur në tavolinën e kryetarit të mazhorancës ishte se ¼ e deputetëve të mazhorancës, pra aleatë plus deputetë të PD, nuk do të votonin kandidaturën e Topallit, duke e rrëzuar atë në raundin e katërt. Dhe nuk do të ishte thjeshtë një rrëzim kandidature, por nga ana psikologjike dhe rënie të mazhorancës, për shkak se nuk votohej nënkryetarja e partisë më të madhe të koalicionit qeverisës të PD.
(Shkrimin e plotë mund ta lexoni sot në gazetën Shqiptarja.com)