Presidenti ukrainas pas bisedës Biden-Putin: Po kërkojmë zgjidhje diplomatike, por 'përgatitemi për çdo zhvillim'

Presidenti ukrainas Volodymyr Zelensky ka deklaruar pasditen e sotme se qeveria e tij i kupton rreziqet nga Rusia dhe po punon me partnerët ndërkombëtarë për të zgjidhur konfliktin përmes diplomacisë.

Qeveria ukrainase 'është e vetëdijshme për rreziqet e përshkallëzimit të situatës nga ana e Federatës Ruse, po përgatitet për çdo zhvillim dhe është në konsultim të vazhdueshëm me partnerët ndërkombëtarë për të zgjidhur konfliktin përmes mjeteve politike dhe diplomatike', tha ai, ndërsa foli për mediat në rajonin jugor të Kherson pranë Krimesë, ku ai kishte marrë pjesë në stërvitjet ushtarake.

Zelensky tha se qeveria e tij "i kupton të gjitha rreziqet, pasi ata marrin informacion nga burime të ndryshme, duke përfshirë agjencitë e tyre të inteligjencës dhe inteligjencës të vendeve partnere".

Ai shtoi se negociatat janë duke u zhvilluar në nivel ndërkombëtar për të parandaluar përshkallëzimin.

Lajmi kryesor:

Orë ankthi dhe tensioni, Biden e Putin bisedojnë 62 minuta në telefon! Presidenti amerikan atij rus: Nëse pushtohet Ukraina reagojmë ashpër

K.T./Shqiptarja.com

TAG:
• Joe Biden
• vladimir putin
• kriza ukraine-rusi