POP 5

Lajmet më të lexuara të 5 minutave të fundit

Politikë

Presidenti, Wammen: Politika
të justifikojë pritshmëritë tona

Ministri danez për Çështjet Evropiane, Nicolai Wammen është takuar sot me homologun e tij shqiptar, Haxhinasto. Në konferencën për shtyp ai tha se BE do e ndjekë me vëmendje zgjedhjen e presidentit të ri. Statusi? Tani fillon puna e vërtetë.
Presidenti, Wammen: Politika<br />të justifikojë pritshmëritë tona
TIRANË - Ministri danez për Çështjet Evropiane, Nicolai Wammen, lidhur me zgjedhjet për presidentin e ri të vendit, theksoi se BE do e ndjekë me vëmendje procesin.

“Nëse më pyesni nëse do i ndjekim me vëmendje zgjedhjet për presidentin, sigurisht që do i ndjekim dhe kemi pritshmëri të mëdha dhe standarte të larta në lidhje me atë që do të ndodhë, ndaj bëhet fjalë për përgjegjshmëri të madhe për politikanët në Shqipëri. Ne presim që politikanët shqiptarë të justifikojnë këtë pritshmëri tonën”, tha ai gjatë takimit me ministrin e jashtëm shqiptar, Edmond Haxhinasto.


24 MAJI, PROVA PËR SHQIPËRINË
Ai i është përgjigjur edhe pyetjes së gazetarëve lidhur me marrjen e statusit kandidat.

“Shqipëria do të gjykohet në bazë të meritave të saj. Të keni një sistem zgjedhor, që të mbështetet në vlerat demokratike dhe të gëzojë besimin e të gjithë popullit për të garantuar një demokraci funksionale. Mesazhi i BE është shumë i qartë, 24 maji do të jetë prova e parë e këtij zhvillimi. Siç e ka theksuar zoti Fyle, edhe unë si kryetar i presidencës së radhës, e theksoj se është e rëndësishme që të arrihet një marrëveshje për çështjet kryesore, pastaj puna do të vazhdojë me çështjet e tjera që lidhen me 12 kërkesat, në vjeshtë do të kemi procesin për progresin e shqipërisë. Është në dorë të Shqipërisë që të realizojë këtë përparim që BE pret të cilën ne do e shqyrtojmë në raportin e vjeshtës”, tha diplomati danez.

Sipas tij, reforma demokratike dhe përmirësimi i shtetit ligjor janë elementë thelbësorë.

“Tani fillon puna e vërtetë”, tha ai gjatë konferencës në Tiranë.

(aq/shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Aksident i rëndë në Korçë, makina zë poshtë të riun që po lëvizte me skuter (VIDEO)

Aksident i rëndë në Korçë, makina zë poshtë të riun që po lëvizte me skuter (VIDEO)

26 Dhjetor, 19:40 nga Armand Braho